1 Samuɛl 26:10 - EBƆRƐ BE KAWƆL

¹⁰ Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.

1 Samuɛl 26:10 ပူးပေါင်းရင်းမြစ်များ

Jɛnesis 47:29

Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

Job be kawɔl 14:14

Nɛ esa baŋ wu, e maaŋ naŋ tiŋ m ba ŋkpa to. Amoso awurfoŋ nɛ mee ji ere kikɛ mee jo ma saŋɛ nna.

Job be kawɔl 14:5

Anyi edimɛdi be saŋɛ maŋ shi durnya to, Fo, Ebɔrɛ na, tea nyi nchɛ nɛ esa beeŋ ji durnya to.

Job be kawɔl 7:1

Manɛ nna nɛ kebaawɔtɔ du kpakpa loŋ? Manɛ nna nɛ anyee ji awurfoŋ loŋ?

Nshɛ 37:10

K maaŋ chɛr nɛ alubiworapoana e mur, nɛ fo keni n fin bumo ŋ gben.

Nshɛ 37:13

Ama Enyɛnpe Ebɔrɛ na bee mushe belubiworapo nna, ŋkpal bumo be kasogberge be saŋɛ ka maaŋ chɛr nseŋ ba so.

Nshɛ 94:23

Ebɔrɛ beeŋ gberge kumukpakpasowuraana kusoe nseŋ mur bumo ŋkpal bumo be asheŋ lubi so. Enyɛnpe anyi be Ebɔrɛ na e naŋ mur bumo.

Kaŋinichiŋgeliŋ 3:2

Mo e yili kakurge nɛ luwu be saŋɛ. Mo koŋwule na e yili kasɔdu nɛ kasɔteŋi be saŋɛ.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Ditɛronɔmi 31:14

Ade kikɛ be kaman, nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu, amoso keta Joshuwa m ba wajɛbu cheembi na to; saŋɛ na so, meeŋ ŋini mo asheŋ ko nɛ e ki Israɛl be ejuŋkparpo. Ndoŋ nna nɛ Mosis nɛ Joshuwa kikɛ yɔ wajɛbu cheembi na to

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

Hibruwebi 10:30

Ŋkpal manɛ so, an kikɛ nyi esa nɛ e daŋ kaŋɛ le na fanɛ: “Keka esa be kulubi la ma asheŋ nna. Ma, Enyɛnpe na e naaŋ ka esa be kulubi nɛ kumo be ekpa so.” Anyi alɛ nseŋ naa nyi esa nɛ e kaŋɛ le na gba: “Enyɛnpe beeŋ gberge mbe basa kusoe.”

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”

1 Samuɛl 24:12

Enyɛnpe Ebɔrɛ nawule e naaŋ ji anyi kikɛ demu m pin emo nɛ e wora n foe ekpa. Mo alɛ beeŋ gberge fo kusoe ŋkpal kusɔ nɛ fo wora ma ere so. Ama ma ere maaŋ wora fo shɛŋ.

1 Samuɛl 24:15

Ŋkeshin nɛ Enyɛnpe Ebɔrɛ na beeŋ ji ma nɛ fo kikɛ demu nseŋ lara anyi to be emo nɛ e maŋ wora nɛnɛ. Ma kabɔrɛkule e la fanɛ Ebɔrɛ e yili ma kaman nseŋ mɔlga ma ashi fo enɔ to.”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.

1 Samuɛl 25:38

Kumo be nchɛ kudu be kefɛato, nɛ Enyɛnpe Ebɔrɛ na gberge Nabaal kusoe nɛ e wu.

1 Samuɛl 25:39

Deevid ka nu fanɛ Nabaal wu na, nɛ e kaŋɛ le: “Kemaŋkura e baa la Enyɛnpe Ebɔrɛ na peya ŋkpal Nabaal ka bee tege ma nɛ e sɔ ma kɔnɔ ŋ kɔ mo n sa ma so. Nabaal be kulubi so nɛ Enyɛnpe Ebɔrɛ gberge mo kusoe na.” Kede be kaman nɛ Deevid shuŋi n ya sha Abigɛl.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.

1 Samuɛl 31:6

Kananɛ Sɔɔl nɛ mbe mbinyɛnsobi asa na nɛ enapo nɛ e bee keta mbe akɔsɔ na daŋ wu nna na. Kachɛ koŋwule nɛ Sɔɔl nɛ mbe benapo kikɛ daŋ wu.