1 Samuɛl 25:6 - EBƆRƐ BE KAWƆL

⁶ Le be kubɔya nɛ e daŋ ta n shuŋi bumo Nabaal kutɔ. E yɛ: “Fo teri Deevid e naa chɔrɔ fo na, nsaa bishi fo nɛ fo kanaŋ nɛ kusɔ kama nɛ fo kɔ be alenfia be asheŋ.

1 Samuɛl 25:6 ပူးပေါင်းရင်းမြစ်များ

Jɛnesis 43:23

Ndoŋ nna nɛ Josɛf be kayɛrbi nimuso na kaŋɛ bumo: “Men sa maŋ shin nɛ k tir menyi ŋko n shin nɛ kufu e baa kɔ menyi. N nyiŋi ŋ ka daŋ sɔ men be amansherbi na, amoso shere Ebɔrɛ nɛ menyi nɛ men tuto bee shuŋ na e ta loŋ be amansherbi na n wɔtɔ menyi be ebɔtɛ to na.” Kumo be kaman nɛ e ya bar Simiɔn bumo kutɔ.

2 Samuɛl 18:28

Ndoŋ nna nɛ Ahimaaz ponte ŋ kaŋɛ le: “An kɔ m pɔɔ so! An kɔ m pɔɔ so! Kapandi e ba la Enyɛnpe fo Ebɔrɛ nɛ e shin nɛ fo kɔ m pɔɔ basa nɛ b nyaŋɛto a kɔ fo na peya, Yiramu.” Nseŋ ya jɔŋɛ mbe anishito bunyaŋ so.

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Nshɛ 122:7

Ebɔrɛ e shin nɛ kayurwushi e baa wɔ kadegboŋ na to; e shin nɛ kayurwushi e baa wɔ ndoŋ be ewurkpaana.

Nshɛ 122:8

Mee kule kayurwushi nna a sa Jerusalɛm ŋkpal ŋ kurgepoana nɛ nteriana so.

Luuk 10:5

Laŋ kama to nɛ men ya kaa luri, men kaŋɛ le pɔɛŋ: ‘Kagbenewushi e baa wɔ laŋ ere to ebi so.’ Nɛ kagbenewushi shapowura kama wɔ ndoŋ, men be kagbenewushi be kechɔrɔ na beeŋ baa wɔ mo so.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

1 Tɛsalɔnikaebi 3:8

Naniere nɛ men kɔ Enyɛnpe na to kpakpa nɛ kagbene koŋwule, anyeeŋ baa wɔ ŋkpa to be kebaawɔtɔ lela to ŋkpal menyi so.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

1 Timoti 5:6

Ama ekulpoche nɛ e ta mbe nfɛra n wɔtɔ ebel be keji to wu nna nsaa wɔ basa to na.

1 Samuɛl 25:5

Ndoŋ nna nɛ Deevid shuŋi mbrantiɛfɔlbi kudu kikɛ fanɛ b yɔ Kamɛl n ya fin Nabaal n chɔrɔ mo n sa mo.