1 Samuɛl 25:21 - EBƆRƐ BE KAWƆL

²¹ Deevid daa fɛ le be nfɛra nna: “M baŋ jija ma saŋɛ nna ŋ keni Nabaal be asɔ so ashi kiyi to nɛ b maŋ nya amo n yuri. Kelela nɛ n wora mo, ama kulubi nɛ mo ere ta a ka ma kukɔ.

1 Samuɛl 25:21 ပူးပေါင်းရင်းမြစ်များ

Jɛnesis 44:4

B ka lar kade na to b daa maŋ naŋ fo kufɔ nɛ Josɛf kaŋɛ mbe kayɛrbi nimuso le: “Ju m bɛ basa na so epul ere to. Nɛ fo ya tu bumo fo bishi bumo le: ‘Manɛ e ba nɛ menyee ta kulubi a ka kelela be kukɔ?

Job be kawɔl 30:8

B ki fanɛ basa fuloŋ nɛ b maŋ kɔ tɔnɔ nɛ b ju bumo n lar kasawule na so nna.

Nshɛ 35:12

Baa ta alubi nna a ka ma alela be kukɔ; nɛ kenawule nɛ kebɔltofinfin tɔr ma so.

Nshɛ 37:8

Saa maa nya agbo ŋko a wora asheŋ agbo so. Agbo bee yɛra esa alubi to nna.

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Aŋasa 17:13

Fo baa ta kulubi a ka kelela be kukɔ, alubi maaŋ lar fo laŋ to kikɛ.

Jɛremaya 18:20

N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Romebi 12:21

Men sa maŋ shin nɛ kulubi e baa pɔɔ menyi so, ama men baa shin nɛ menyi be kelela e baa pɔɔ kulubi so.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.

Ɛfesesebi 4:31

Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

1 Pita 3:17

Ŋkpal manɛ so nɛ k la Ebɔrɛ be kepar be kusɔ fanɛ men nya tɔrɔ nɛ men nya loŋ be tɔrɔ na ŋkpal kelela mo nɛ men wora so, k walɛ a chɔ men ka wora alubi ŋkaa nya tɔrɔ.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

1 Samuɛl 25:13

Ndoŋ nna nɛ Deevid kaŋɛ bumo le: “Men ta men be etokobi!” Deevid nɛ mbe benapo, beeŋ wora fanɛ basa alfa ana, e ta bumo be etokobi nɛ b yɔ nseŋ yige basa alfa anyɔ malɛ bumo be keeyi to.

1 Samuɛl 25:15

Ama b daa wora anyi kelela ga. B daa maa tɔrɔ anyi. Anyi nɛ bumo ka wɔ kupuŋ na to na, beyu daa maa yuri anyi be shɛŋ.

1 Samuɛl 25:20

Abigɛl ka dii mbe kurma m bɔla ekpa nɛ k bɔla abee na to na, nɛ e ba tu Deevid nɛ mbe basa nɛ b shi kebee na so a gbelge to a shɛr mo to.

1 Samuɛl 25:7

E yɛ e nu fanɛ fee kuya fo mbolpɔ be afuibi nna amoso nɛ e bee sha fo ka pin fanɛ fo mbolpɔkpapoana wɔ anyi kutɔ nfe, anyi alɛ maŋ tɔrɔ bumo ekpa kikɛ so. Saŋkama malɛ nɛ bumo nɛ ma basa tu abar, ma basa maa sɔ bumo shɛŋ.