1 Samuɛl 25:19 - EBƆRƐ BE KAWƆL

¹⁹ Kumo be kaman nɛ e kaŋɛ nyɛrbi na le: “Men ta asɔ ere a juŋkpar nɛ ma alɛ e wora a bɛ menyi so a ba.” Ama e daa maŋ kaŋɛ mo kul Nabaal kusɔ nɛ e daa wora.

1 Samuɛl 25:19 ပူးပေါင်းရင်းမြစ်များ

Jɛnesis 32:16

E daŋ ta kusɔbɔya kama be yiri nɛ kumo be ekpapo nna nseŋ kaŋɛ bekpapo na le: “Men juŋkpar ma a yɔ nseŋ barga abar gbrɛgbrɛbi.”

Jɛnesis 32:19

Loŋ koŋwule nɛ Jeekɔb daŋ kaŋɛ nyɛrbi nɛ b bɛ so na kikɛ fanɛ b kaŋɛ Isɔɔ.

Jɛnesis 32:20

E yɛ: “Men sa maŋ teŋ so kekaŋɛ Isɔɔ fanɛ mbe kenya Jeekɔb wɔ kaman a ba.” Jeekɔb daa fɛ nna fanɛ nɛ e ta le be ŋkɛ ere n juŋkpar n ya sa Isɔɔ, a beeŋ wushi mo kagbene nɛ e sɔ mo nɛ enɔ anyɔ.

Jɛnesis 32:21

Amoso Jeekɔb daŋ shin nna nɛ mbe kakɛ na juŋkpar mo nɛ mo ere naŋ shir echenakpa na n di ŋklade.

Aŋasa 31:27

E bee keni mbe laŋ to ebi so nɛnɛ nna, mo alɛ maŋ kɔ ntɔl.

1 Samuɛl 14:1

Kachako nɛ Sɔɔl pibinyɛn Jonatan kaŋɛ kabrantiɛbia nɛ e bee sulɔ mbe akɔsɔ na le: “Shin nɛ an yɔ Filistiebi be benapo na be keeyi to.” Ama Jonatan malɛ daa maŋ kaŋɛ mo tuto Sɔɔl kumo be asheŋ,

1 Samuɛl 25:20

Abigɛl ka dii mbe kurma m bɔla ekpa nɛ k bɔla abee na to na, nɛ e ba tu Deevid nɛ mbe basa nɛ b shi kebee na so a gbelge to a shɛr mo to.

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.