1 Samuɛl 25:17 - EBƆRƐ BE KAWƆL

¹⁷ Amoso jande, fɛ asheŋ ere be nfɛra nseŋ wora kusɔ ko a laŋɛ kumo be kaplɛa so, ŋkpal manɛ so, k beeŋ tiŋ m bar asheŋ m ba sa an nyɛnpe nɛ mbe kanaŋ kikɛ. Ŋkpal mo alɛ ka la kagbene kpakpasowura so, e maa nu a sa esa kama!”

1 Samuɛl 25:17 ပူးပေါင်းရင်းမြစ်များ

2 Samuɛl 24:13

Nɛ Gad yɔ ewura Deevid kutɔ n ya kaŋɛ mo kusɔ nɛ Enyɛnpe Ebɔrɛ kaŋɛ. E yɛ: “Asɔ ere be kumo nɛ feeŋ baa sha? Akoŋgboŋ be ketɔr fo kasawule so nfɛ asa ŋko fo keshile fo doŋana afɔl asa ŋko kulɔ be aleblawu ko be keba fo kasawule so nchɛnsa? Fɛ kumo be asheŋ nseŋ kaŋɛ ma kusɔ nɛ fee sha fanɛ ŋ kaŋɛ Enyɛnpe Ebɔrɛ.”

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

2 Kronikɛls 13:7

Kumo be kaman nɛ e chala befɛpo nɛ basa fuloŋ be katuŋ ko nɛ b tintiŋ Rehoboam nɛ e baa wora kusɔ nɛ baa sha ŋkpal e ka kra la kebia nsaa maaŋ tiŋ n yili asheŋ kananɛ a daga loŋ be saŋɛ na so.

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Ɛsta 7:7

Nɛ ewura na nya agbo ga ŋ koso n yige nsa na nseŋ yɔ ewurkpa be kelɔnɛ na so. Heman ka pin fanɛ ewura na beeŋ gberge mo kusoe nɛ e shir kaman a kule ewurche Ɛsta fanɛ e mɔlga mbe ŋkpa.

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Ditɛronɔmi 13:13

fanɛ menyi be efuli so be basa jiga ko fule bumo be ndeana to be basa ko nɛ b shuŋ agbirana nɛ menyi maŋ naŋ shuŋ ŋ ku so kikɛ.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.

1 Samuɛl 2:12

Eli be mbinyɛnsobi na daa la basa lubi nna nsaa maa nu a sa Ebɔrɛ,

1 Samuɛl 20:7

Nɛ e kaŋ maŋ kaŋɛ shɛŋ bre, kumo ere meeŋ nya ma kumu ama e kaŋ nya agbo bre kumo ere, e nya ma, e beeŋ tɔrɔ ma.

1 Samuɛl 20:9

Nɛ Jonatan yɛ: “Kare gba! Nɛ n daa nyi fanɛ n tuto bee fin fo nna kashenteŋto nɛ e mɔ, dafanɛ maŋ kaŋɛ fo a?”

1 Samuɛl 25:16

Saŋkama nɛ anyee keni anyi be mbolpɔ so, b daa kuŋ anyi kapa nɛ kanyɛ nna.

1 Samuɛl 25:18

Nɛ Abigɛl wora manaŋ n ta ebodobodo alfanyɔ nɛ nsaturbi be bɔlɔ anyɔ nɛ mbolpɔ nɛ b mɔ ŋ ŋese anu nɛ aboyu keeso be kilo kudu ashunu nɛ asɔrso jiso be asha kalfa nɛ figi be asɔrso wɔlso be ekrakashi alfa anyɔ ŋ kre amo n deŋi ekurma so.

1 Samuɛl 25:25

Jande sa maŋ kaŋ nu n sa Nabaal, esa jiga na. Mbe ketre na be kifito e la ewulpo! Nɛ mo alɛ be asheŋ woraso nɛ mbe ketre na duli abar. Ma ere daa maŋ wɔtɔ nna nɛ fo nyɛrbi na ba.