1 Samuɛl 25:13 - EBƆRƐ BE KAWƆL

¹³ Ndoŋ nna nɛ Deevid kaŋɛ bumo le: “Men ta men be etokobi!” Deevid nɛ mbe benapo, beeŋ wora fanɛ basa alfa ana, e ta bumo be etokobi nɛ b yɔ nseŋ yige basa alfa anyɔ malɛ bumo be keeyi to.

1 Samuɛl 25:13 ပူးပေါင်းရင်းမြစ်များ

2 Samuɛl 15:18

Deevid ka yil na, nɛ e wu mbe benapo nɛ mbe bekumpo ka ba choŋ. Katuŋ nɛ b shir kaman m ba choŋ na e daa la benapo alfa ashe nɛ b daŋ bɛ mo so ashi Gaaf nɛ k wɔ Filisti be efuli so na. Ittai e daa la benapo na be enimu.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 16:32

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Aŋasa 19:11

Kanyiti be keji la kanyiasheŋ nna. Esa baŋ wora fo kulubi nɛ fo kplaŋ mo so, k la kemaŋkura nna n sa fo.

Aŋasa 19:2

Kebaa sha kusɔ be kewora nsaa maa kɔ kumo be kenyi maŋ walɛ; kewora gerger n to kusɔ n da malɛ maŋ kɔ tɔnɔ.

Aŋasa 20:22

Sa maa kɔ a fin kewora n tal esa nɛ e wora fo kulubi to. Shin nɛ Enyɛnpe Ebɔrɛ e bishi kuwule n sa fo.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Joshuwa 9:14

Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.

1 Samuɛl 22:2

Basa nɛ b daa ji awurfoŋ na nɛ bumo nɛ b ji akɔ nɛ bumo nɛ asheŋ maa bɔlɔ bumo kenishi na kikɛ daŋ shile nna n yɔ mo kutɔ. Loŋ be basa na daa sa fanɛ basa alfa ana, nɛ Deevid ki bumo be ejuŋkparpo.

1 Samuɛl 23:13

Ndoŋ nna nɛ Deevid nɛ mbe basa alfa ashe kikɛ lar Kiila epul na to n ya kaa chena mboŋ ko a wora kashiŋ nsaa koso ndoŋ a yɔ anishi to. Sɔɔl ka nu fanɛ Deevid lar Kiila n choŋ, nɛ e chɛrga mbe nfɛra nsaa maŋ naŋ yɔ ndoŋ.

1 Samuɛl 25:12

Nɛ Deevid be basa na bɛta n ya kaŋɛ mo kusɔ nɛ Nabaal kaŋɛ na kikɛ.

1 Samuɛl 27:2

Epul na to nɛ Deevid nɛ mbe basa alfa ashe na yɔ Mawɔk pibinyɛn Akish nɛ e la Gaaf be kade be ewura na kutɔ.