1 Samuɛl 25:10 - EBƆRƐ BE KAWƆL

¹⁰ Ndoŋ nna nɛ Nabaal malɛ kaŋɛ le: “Wanɛ bre e la Jɛsi pibinyɛn Deevid ere? Naniere kananɛ nyɛrbi damta bee shile bumo nyɛnpeana nna na!

1 Samuɛl 25:10 ပူးပေါင်းရင်းမြစ်များ

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Kaŋinichiŋgeliŋ 7:10

K maŋ daga fanɛ fo baa kaŋɛ le: “Manɛ nna nɛ dra na bɔ kabre?” K maŋ la kanyiasheŋ be kamalga.

Aizaaya 32:5

Ewura nɛ mbe benimuana maaŋ naŋ sa bewulpo bunyaŋ ŋko n sa basa jiga fanɛ beyu kemaŋkura be eyilikpa.

Aizaaya 32:7

Esa nɛ e maa ji kashenteŋ la esa lubi nna nsaa wora asheŋ lubi nawule. E bee kre kebɔla efɛ so nna m mur betirpo nseŋ kuŋ bumo ekpa nɛ b sa maŋ nya kusɔ nɛ k daga bumo.

Demujipoana 9:28

Ndoŋ nna nɛ Ebed pibinyɛn Gaal kaŋɛ le: “Wanɛ e la Abimelɛk, nɛ a daga fanɛ anyi e baa shuŋ mo fanɛ anyi be ewura? Mannɛ Gidiɔn pibinyɛn e la mo nɛ Zebul malɛ bee chɛ mo to a? Mannɛ nna nɛ anyee shuŋ mo? A daga fanɛ men baa nyiŋi men nananyɛn Hamɔ nna, ŋkpal manɛ so, mo e jɔŋɛ menyi be kabuna na!

1 Samuɛl 20:30

Ndoŋ nna nɛ Sɔɔl nya agbo ga n wɔtɔ Jonatan nseŋ kaŋɛ mo le: “Fo maŋ naa la m pibinyɛn ŋkpal manɛ so, fo ki edebɔrpo nna! Naniere nɛ m pin fanɛ fo nɛ Deevid e wɔ aya. Fo paŋ anishinyɔr ga. Fo nio kurge fo ŋ gben jiga.

1 Samuɛl 22:2

Basa nɛ b daa ji awurfoŋ na nɛ bumo nɛ b ji akɔ nɛ bumo nɛ asheŋ maa bɔlɔ bumo kenishi na kikɛ daŋ shile nna n yɔ mo kutɔ. Loŋ be basa na daa sa fanɛ basa alfa ana, nɛ Deevid ki bumo be ejuŋkparpo.

1 Samuɛl 25:9

Le be kubɔya ere nɛ Deevid be basa na daŋ ta n ya sa Nabaal nsaa jo nɛ b nu kusɔ ko ashi mo kutɔ.