1 Samuɛl 24:16 - EBƆRƐ BE KAWƆL

¹⁶ Deevid ka malga n loge nɛ Sɔɔl kaŋɛ le: “M pibi Deevid, fo nna a?” Kumo be kaman nɛ e fara a shu awɔrso

1 Samuɛl 24:16 ပူးပေါင်းရင်းမြစ်များ

Jɛnesis 16:5

Nɛ Sɛɛrai kaŋɛ Eebram: “Fo e shin nɛ Heega bee keni ma jiga na. Ma alɛ gbagba e ta mo n sa fo, ama yili saŋɛ nɛ e wu fanɛ e kɔ kedampo na kikɛ e maŋ naa tre ma ere shɛŋ. Enyɛnpe Ebɔrɛ na malɛ e naaŋ ji ma nɛ fo demu n wu emo nɛ e kɔ kashenteŋ, fo ŋko ma.”

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Jɛnesis 33:4

Ndoŋ nna nɛ Isɔɔ malɛ shile n ya ber Jeekɔb to n far n chɛ mo n lɛ mbe enɔ n deŋi mbe abatimu so nɛ bumo benyɔ na kikɛ shu ga.

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Job be kawɔl 6:25

Kashenteŋ bee besa jemanɛ kikɛ nna, ama kusɔ nɛ menyee kaŋɛ ere maa ŋini shɛŋ.

Nshɛ 119:154

Kɔ n sa ma nseŋ sɔ ma n yige, mɔlga ma fanɛ kananɛ fo nase kɔnɔ na.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Aŋasa 25:11

Kemalga kamalga nɛ k daga saŋɛ nɛ k daga du nna fanɛ b ka ta shuwa m mata gbiti so na.

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Ashuŋ Shunso 6:10

Ama b daa maŋ tiŋ n ji m bri mo ŋkpal eleŋgboŋ nɛ Kiyoyu Cheeŋ na daŋ sa mo nɛ e malga so.

Demujipoana 11:27

M maŋ wora fo kulubi kikɛ, ama fo e naa wora kulubi ŋkpal fo ka bee fin ma kolu so. Enyɛnpe Ebɔrɛ na e naaŋ keni Israɛlebi nɛ Ammɔnebi be demu ere to nseŋ ji kumo.”

1 Samuɛl 26:17

Ndoŋ nɛ Sɔɔl pin Deevid be ebɔl nseŋ kaŋɛ le: “Fo nna a m pibinyɛn Deevid?” Nɛ Deevid malɛ shuli so ŋ kaŋɛ le: “Yiramu mm, ma nna.”

1 Samuɛl 26:24

Kananɛ m baŋ shin nɛ fo ji efute kabre le ere, Enyɛnpe Ebɔrɛ na e baa kuŋ ma nsaa pete ma ashi etɔrɔsheŋ kikɛ to!”