1 Samuɛl 24:11 - EBƆRƐ BE KAWƆL

¹¹ Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 24:11 ပူးပေါင်းရင်းမြစ်များ

2 Samuɛl 1:14

Nɛ Deevid kaŋɛ mo le: “Manɛ nna nɛ fo nya kagbene m mɔ Enyɛnpe Ebɔrɛ be ewura lara so?”

2 Bewura 5:13

Ndoŋ nna nɛ Neeman be nyɛrbi yɔ mo kutɔ n ya kaŋɛ mo le: “Enyɛnpe, anebi ere daŋ kaŋɛ fanɛ fo wora kusɔ kpakpaso ko nna, fo daa maaŋ wora a? Nɛ manɛ e ba nɛ e kaŋɛ fo fanɛ fo ya bɛr nchu na to nseŋ nya alenfia nɛ fo kini?”

Job be kawɔl 10:16

Kanaŋ kama nɛ m pere kenishi n wora asheŋ gba, fo kraa pete ma nna fanɛ kananɛ ekpampo bee pete buluŋ na, saŋɛ na so feeŋ ŋini ma fo mamachi be yuku na.

Nshɛ 119:161

Kenyanyaŋɛso nɛ bewurjipo bee kɔ ma; ama ma ere bee sa fo kamalga bunyaŋ ashi ma kagbene to nna.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Nshɛ 35:7

M maŋ wora bumo shɛŋ nɛ b fe ma kejigbelɛ; nseŋ kur kemaŋ chiŋgeliŋ n nase fanɛ n tɔr to.

Nshɛ 59:3

Enyɛnpe Ebɔrɛ, keni kananɛ b ŋana m pugi a jo ma. Basa lubi bee kre ma ŋkre lubi nna, a fin ma nɛ b mɔ. Ma alɛ maŋ wora bumo shɛŋ, ŋko n wora kulubi ko n da bumo so.

Nshɛ 7:5

nɛ n wora asɔ ere be kekama, kumo ere fo shin nɛ ma doŋana e ju ma n pɛ. Shin nɛ b chichi ma so m mɔ nseŋ yige ma n lɛ shishɛr to.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Nfabel 4:18

Bedoŋ daa fin anyi nɛ b mɔ ashi kegbembi kama so nna. Amoso an daa maŋ naa tiŋ a nite agbembi so. Anyi be kemur be jemanɛ fo, anyi be nchɛ fo ekar nna na.

Ezikɛl 13:18

nseŋ kaŋɛ bumo kusɔ nɛ Enyɛnpetale Ebɔrɛ na bee kaŋɛ bumo. Asheŋ maaŋ nyalɛ n sa menyi beche. Menyee bɔla ŋkilgi be ekpa so nna a wora adur a wɔtɔ ebaŋɛ nɛ echimu to a sa ekama nɛ baa ta a chɛ amu so ŋko a wɔtɔ enɔ to, saŋɛ na so menyeeŋ nya eleŋ basa be ŋkpa so. Menyee sha fanɛ menyi e baa kɔ ŋkpa nɛ luwu be eleŋ ma basa so nseŋ ta eleŋ na a wora asɔ nɛ menyee sha.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”

1 Samuɛl 18:27

nɛ Deevid bre nɛ mbe benapo teŋ ya mɔ Filistiebi be basa alfanyɔ nseŋ ba kaŋɛ ewura na. Saŋɛ na so e beeŋ nya ewura na pibiche na n ta. Ŋkpal loŋ so nɛ Sɔɔl ta mo pibiche Mikaal n sa Deevid.

1 Samuɛl 23:14

Deevid daŋ ya ŋana abeelaŋ nɛ a wɔ keshishɛrsawule nɛ baa tre Ziif na to nna. Sɔɔl daŋ baa fin mo nna saŋkama, ama Ebɔrɛ daa maŋ ta Deevid m bɔɔ mo enɔ.

1 Samuɛl 23:23

Men lege to n fin mboŋ kama nɛ e bee kaa shile a ŋana na nseŋ ba kaŋɛ ma. Saŋɛ na so ma nɛ menyi beeŋ fin mo. E baa wɔ efuli ere so bre men nya mo. Hale nɛ meeŋ keni Juda be efuli so kikɛ gba n fin mo nna meeŋ wora loŋ.”

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.

1 Samuɛl 26:18

Nseŋ naŋ kaŋɛ le: “Manɛ nɛ fo kayɛrbi wora nɛ fo kraa ju a buu mo so loŋ? Manɛ be kulubi nɛ n wora fo?

1 Samuɛl 26:20

Sa maŋ kaŋ mɔ ma ashi nnyamase be kasawule so, ashi kakpa nɛ Enyɛnpe Ebɔrɛ na maŋ taga to, ŋkpal manɛ so, m maŋ la shɛŋ. Kejaŋjaŋkɔrso gba chɔ ma! Nɛ manɛ e ba nɛ Israɛl be ewura bee fin ma alɛ le nɛ e mɔ fanɛ mbuibi ashi kebee so?”

1 Samuɛl 26:23

Beshenteŋjipo nɛ basa cheembi nɛ Enyɛnpe Ebɔrɛ bee nɛfa. E ta fo nna m bɔɔ ma enɔ kabre, ama ma alɛ maŋ wora fo shɛŋ ŋkpal fo ka la Enyɛnpe Ebɔrɛ na be ewura lara so so.