1 Samuɛl 23:6 - EBƆRƐ BE KAWƆL

⁶ Ahimɛlɛk pibinyɛn Abiata ka shile n ya tu Deevid ashi Kiila na, e daŋ ta kabɔrɛmata be piŋi nɛ baa tre Ɛfɔd na nna n ti so n yɔ.

1 Samuɛl 23:6 ပူးပေါင်းရင်းမြစ်များ

1 Bewura 2:26

Kede be kaman nɛ Ewura Sɔlɔmɔn shuŋi n tre bɔrɛmatapo Abiata ŋ kaŋɛ mo le: “Bɛta n yɔ Anatɔf nɛ k la fo kade to na. Fo alɛ gba daga luwu nna, ama ma alɛ maaŋ shin nɛ b mɔ fo naniere ŋkpal manɛ so, saŋɛ so nɛ fo daa wɔ n tuto Deevid kutɔ na, fo nɛ mo e daa ji mbe awurfoŋ kikɛ nɛ fo alɛ daŋ naa keni Enyɛnpe Ebɔrɛ be ŋkre be deka na so.”

Ɛksodɔs 28:6

Shin nɛ benyipo e ta le be ejese m baa nseŋ jɔɔ kale nɛ baa tre ɛfɔd na nɛ kumo be abatimu so be efɔl anyɔ nɛ a pɛ ɛfɔd na be anishito nɛ kamanto a mata abar na, nɛ kashɛr to be kreso na gba. Loŋ na amo kikɛ beeŋ baa la kukoŋwule.

1 Samuɛl 14:18

Ndoŋ nna nɛ Sɔɔl kaŋɛ Ahija nɛ e daa la bɔrɛmatapo na le: “Ba nɛ an bishi Ebɔrɛ kusɔ nɛ e bee sha fanɛ an wora.”

1 Samuɛl 14:3

Ahija nɛ e daa la bɔrɛmatapo na gba daa wɔ ndoŋ. Mo e daa buu kale lela nɛ baa tre Ɛfɔd na nɛ bɔrɛmatapo nimuso bee buu a bishi kusɔ nɛ Ebɔrɛ bee sha na. Ahija mo tuto e daa la Ahitub nɛ mo tuto mo da malɛ daa la Ikabod. Ahitub malɛ mo tuto e daa la Finihas nɛ Finihas malɛ mo tuto daa la Eli mo nɛ e daa la Enyɛnpe Ebɔrɛ be bɔrɛmatapo ashi Shilo na. Bumo alɛ be ekama daa maŋ nyi fanɛ Jonatan lar ndoŋ.

1 Samuɛl 22:20

Ama Ahimɛlɛk pibinyɛn ko nɛ baa tre Abiata na bre daŋ ŋana nna n shile n ya tu Deevid.

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”

1 Samuɛl 23:5

Ndoŋ nna nɛ Deevid nɛ mbe basa yɔ Kiila n ya kɔ Filistiebi na kena m mɔ bumo be basa damta nseŋ ta bumo be asɔbɔya. Kananɛ Deevid wora m mɔlga Kiila be kade na nna na.

1 Samuɛl 23:7

Ndoŋ nna nɛ b kaŋɛ Sɔɔl fanɛ Deevid yɔ Kiila, nɛ Sɔɔl kaŋɛ le: “Ebɔrɛ ta mo n bɔɔ ma enɔ nna na. Deevid teŋ kre mbe kumu n sa ma na nna ŋkpal e ka luri kade nɛ b pɔr egbal ŋ kulti kumo nɛ k kɔ akuloŋ lempo nɛ abersobi so.”

1 Samuɛl 23:9

Deevid ka nu fanɛ Sɔɔl bee kre nɛ e ba kɔ mo na, nɛ e kaŋɛ bɔrɛmatapo Abiata le: “Ta kabɔrɛmata be piŋi lela nɛ baa tre Ɛfɔd na m ba, saŋɛ na so anyeeŋ bishi Ebɔrɛ kusɔ nɛ k daga an ka wora.”

1 Samuɛl 30:7

Nɛ Deevid kaŋɛ Ahimɛlɛk pibinyɛn bɔrɛmatapo Abiata le: “Ta bɔrɛmatapo be kale nɛ baa tre Ɛfɔd na m bar ma.” Nɛ Abiata ta kumo n ya sa mo.