1 Samuɛl 23:3 - EBƆRƐ BE KAWƆL

³ Ama le nɛ Deevid be basa na daŋ kaŋɛ mo: “Hale Juda nfe gba, anyee lɔ kufu nna; an kaŋ yɔ Kiila nɛ an ya kɔ Filistiebi ere bre, kufu na beeŋ naŋ wora kishi n ti so ga!”

1 Samuɛl 23:3 ပူးပေါင်းရင်းမြစ်များ

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Jɛremaya 12:5

Ndoŋ nna nɛ Enyɛnpe Ebɔrɛ na kaŋɛ le: “Jɛremaya, fo ketu edimɛdi n shile ka bee nu fo ere, feeŋ tiŋ n tu egbaŋɛ n shile nna ere a? Fo ka bee shile kakpa lela nsaa fiti a tɔr ere, feeŋ tiŋ n shile kupuŋ nɛ k dese m mata Jɔɔdan be lɔrgboŋ na to nna ere a?

1 Samuɛl 23:15

Jemanɛ ko Deevid ka wɔ Hɔrɛsh nɛ k wɔ keshishɛrsawule nɛ baa tre Ziif na; e daa lɔ kufu nna ŋkpal Sɔɔl ka daŋ ba ndoŋ nɛ e ba fin mo m mɔ so.

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”

1 Samuɛl 23:23

Men lege to n fin mboŋ kama nɛ e bee kaa shile a ŋana na nseŋ ba kaŋɛ ma. Saŋɛ na so ma nɛ menyi beeŋ fin mo. E baa wɔ efuli ere so bre men nya mo. Hale nɛ meeŋ keni Juda be efuli so kikɛ gba n fin mo nna meeŋ wora loŋ.”

1 Samuɛl 23:26

Sɔɔl nɛ mbe basa daa wɔ kebee na be kaba ko nna nɛ Deevid malɛ nɛ mbe basa wɔ kaba ko a fin kananɛ baaŋ wora n nya ekpa n shile. A daŋ ka gbrɛbi nɛ Sɔɔl nɛ mbe basa e pɛ Deevid nɛ mbe basa.

1 Samuɛl 23:4

Amoso Deevid daŋ naŋ laŋɛ nna fanɛ m bishi Enyɛnpe Ebɔrɛ na kumo be asheŋ to nɛnɛ, nɛ Enyɛnpe Ebɔrɛ kaŋɛ mo le: “Ya kɔ Filistiebi na kena Kiila, ŋkpal manɛ so, meeŋ shin nɛ men kɔ m pɔɔ bumo so.”