1 Samuɛl 23:29 - EBƆRƐ BE KAWƆL

²⁹ Kede be kaman nɛ Deevid lar ndoŋ n ya ŋana kakpa nɛ k beeŋ baa du kpakpa nɛ b wu mo ashi Engedi be kebonfu so.

1 Samuɛl 23:29 ပူးပေါင်းရင်းမြစ်များ

Jɛnesis 14:7

Kede be kaman nɛ b bɛta kaman m ba Ɛn Mishpat. (Kumo e la Kadɛsh na) Ndoŋ nna nɛ b naŋ ya kɔ n sɔ Amalɛkebi be nsawule kikɛ nseŋ naŋ kɔ m pɔɔ so Amɔriebi nɛ b daa wɔ Hazazɔn Tamaa na malɛ so.

2 Kronikɛls 20:2

Nɛ mbɔ ko ba kaŋɛ ewura Jehoshafat le: “Benapo damta ko nɛ b shi Edɔm be efuli so na lar Teku wuso na be kaba ndoŋ m ba nɛ b ba kɔ fo kena. B tiŋ n ya kɔ m pɔɔ Engedi bre so.”

Sɔlɔmɔn 1:14

N jipo, fo du nna fanɛ kedibi nɛ baa tre hena na be atoto ashi kudɔ nɛ k wɔ kade nɛ baa tre Engedi na to.

Ezikɛl 47:10

Yili achubu nɛ baa tre Ɛngɛdi na hale n ya fo achubu nɛ baa tre Ɛneglem na, basa beeŋ baa pɛ ekɔrɔtɔ teku na to nsaa fata bumo be ashewu kumo be ekarso. Teku Wuso na beeŋ nya ekɔrɔtɔ be yiri yiri fanɛ kananɛ Mɛditerenia be Teku kɔ amo na.

Joshuwa 15:62

Nibshan nɛ k la nfɔl be kade na nɛ Engedi. Amo alɛ la ndegboŋ ashe nɛ amo be ndewurbi.

1 Samuɛl 23:28

Ndoŋ nna nɛ Sɔɔl yige kebaa ju a buu Deevid so nseŋ yɔ nɛ e ya kɔ Filistiebi na. Amoso nɛ baa tre kebee na “Kefalta nɛ k barga basa to.”

1 Samuɛl 24:1

Sɔɔl ka ya kɔ Filistiebi na kena n loge nseŋ bɛta m ba, nɛ b kaŋɛ mo fanɛ Deevid wɔ keshishɛrsawule nɛ k mata Engedi na ase.

1 Samuɛl 24:22

Nɛ Deevid nase kɔnɔ fanɛ e beeŋ wora loŋ. Ade kikɛ be kaman nɛ Sɔɔl bɛta n yɔ epe nɛ Deevid malɛ nɛ mbe basa bɛta n yɔ bumo be eŋanakpa.