1 Samuɛl 22:4 - EBƆRƐ BE KAWƆL

⁴ Nɛ Mowab be ewura na shuli nɛ Deevid shin nɛ mo tuto nɛ mo nio ya kaa wɔ ewura na kutɔ nɛ Deevid bre kraŋ ŋana.

1 Samuɛl 22:4 ပူးပေါင်းရင်းမြစ်များ

2 Samuɛl 24:11

Kumo be ŋklade chipurso nɛ Enyɛnpe Ebɔrɛ kaŋɛ Gad nɛ e la Deevid be anebi na le:

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

1 Kronikɛls 11:16

Loŋ be jemanɛ na nɛ Deevid malɛ wɔ kumɔlga be kakpa lempo ashi kebee na so nɛ Filistiebi ko malɛ wɔ Bɛtlɛhɛm.

1 Kronikɛls 12:16

Saŋko Bɛnjamin nɛ Juda be benapo be katuŋ ko daŋ yɔ Deevid kutɔ nna ashi kumɔlga be kakpa lempo na.

1 Kronikɛls 21:9

Ndoŋ nna nɛ Enyɛnpe Ebɔrɛ kaŋɛ anebi Gad le:

1 Kronikɛls 29:29

Kusɔ kama nɛ Deevid wora saŋɛ so nɛ e daa la ewura na be asheŋ kikɛ daa wɔ anebi Samuɛl nɛ Neetan nɛ Gad be nwɔl to.

2 Kronikɛls 29:25

Ewura na daŋ bɛ keŋini nɛ Enyɛnpe Ebɔrɛ daŋ bɔla anebi Gad nɛ nɛ anebi Neetan so ŋ kaŋɛ ewura Deevid na so nna n shin nɛ Livaiebi na ta ejaŋjilaŋ nɛ echakachaka a wɔ bɔrɛlambu na to.

Nehemaya 6:11

Ndoŋ nna nɛ ŋ kaŋɛ: “Ma ere maŋ la basa nɛ baa shile a ŋana na be ako nna. Fee fɛ nna fanɛ meeŋ shile ŋ ŋana bɔrɛlambu ere to nna ŋkpal ma kumɔlga so a? M maaŋ wora loŋ kikɛ.”

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Matiu 10:23

Kade kama nɛ men yɔ nɛ b ya kaa tɔrɔ menyi, men lar ndoŋ n shile n yɔ kepɔtɛ to. Kashenteŋto, ma e kaŋɛ menyi na fanɛ men maaŋ loge men be ashuŋ kikɛ ashi Israɛl be efuli ere so be kade kama to pɔɛŋ nɛ ma, Nyiŋgbasa Pibinyɛn e ba.

1 Samuɛl 22:3

Kumo be kaman nɛ Deevid lar kebeelaŋ nɛ k mata Adulam na to n yɔ Mizpa ashi Mowab be efuli so n ya kaŋɛ Mowab be ewura le: “Jande shin nɛ n tuto nɛ n nio e ba chena fo kutɔ n ya fo saŋɛ nɛ meeŋ wu kusɔ nɛ Ebɔrɛ beeŋ wora n sa ma.”

1 Samuɛl 22:5

Ndoŋ nna nɛ anebi Gad kaŋɛ Deevid le: “Sa maŋ chena nfe. Bɛta n yɔ Juda be kasawule so manaŋ.” Nɛ Deevid lar n yɔ Hɛrɛf be kupo to.