1 Samuɛl 22:3 - EBƆRƐ BE KAWƆL

³ Kumo be kaman nɛ Deevid lar kebeelaŋ nɛ k mata Adulam na to n yɔ Mizpa ashi Mowab be efuli so n ya kaŋɛ Mowab be ewura le: “Jande shin nɛ n tuto nɛ n nio e ba chena fo kutɔ n ya fo saŋɛ nɛ meeŋ wu kusɔ nɛ Ebɔrɛ beeŋ wora n sa ma.”

1 Samuɛl 22:3 ပူးပေါင်းရင်းမြစ်များ

Jɛnesis 47:11

Ndoŋ nna nɛ Josɛf shin nɛ mo tuto nɛ mo daana chena Ijipt nɛ e sa bumo kasawule na so be kaboŋ lela a mata kadegboŋ nɛ baa tre Ramases ashi Goshen be kaba so fanɛ kananɛ ewura Fɛɛro daŋ kaŋɛ na.

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

1 Timoti 5:4

Ama ekulpoche kama nɛ e kɔ mbia ŋko benanabi, a daga fanɛ mbe mbia na nɛ mo nanabiana na ka pin fanɛ bumo e daga b ka nu n sa Ebɔrɛ ŋ keni bumo gbagba be kanaŋ to be esa so. Loŋ na kelela nɛ baa wora a tal bumo nioana nɛ bumo tutoana nɛ bumo nanaana na to na, kumo alɛ be loŋ e naa par Ebɔrɛ.

Demujipoana 11:29

Ndoŋ nna nɛ Enyɛnpe Ebɔrɛ na be Kiyoyu ba Jɛfta so nɛ e shi Giliad m ba choŋ Manase nseŋ naŋ bɛta m ba Mizpa nɛ k wɔ Giliad be kasawule so na n ya fin benapo. Kumo be kaman nɛ b kre kena n ya tu Ammɔnebi.

Ruf be kawɔl 4:10

Kede be kaman, Mowabche Ruf nɛ mo kul Maalon wu ŋ ka na gba ki ma eche. Kumo be loŋ e naaŋ shin nɛ enyɛn nɛ e wu na be kapetɛ e baa wɔ mbe kanaŋ to nɛ mbe ketre malɛ e sa maŋ mur ashi mbe basa nɛ mbe kade to kikɛ. Amoso, kabre, menyee wora ma kumo be shɛda nna na!”

Ruf be kawɔl 4:17

Ndoŋ nna nɛ kade na to be beche kaŋɛ: “Nawomi nya ebinyɛn.” Kumo be kaman nɛ e nase kebia na Obɛd. Loŋ be Obɛd na e daŋ ba koso ŋ kurge Jɛsi nɛ mo alɛ koso ŋ kurge ewura Deevid na.

1 Samuɛl 14:47

Saŋɛ nɛ Sɔɔl daa ji kuwura ashi Israɛl be efuli so na, e daŋ yɔ kaplɛkama nɛ mo doŋana wɔ nna n ya kɔ bumo kena. Mo doŋana e daa la Mowab be basa nɛ Ammɔn nɛ Edɔm be basa nɛ Zoba be bewura nɛ Filistiebi. Kaplɛkama malɛ nɛ e daŋ kɔ kena, e daŋ pɔɔ so nna.

1 Samuɛl 22:2

Basa nɛ b daa ji awurfoŋ na nɛ bumo nɛ b ji akɔ nɛ bumo nɛ asheŋ maa bɔlɔ bumo kenishi na kikɛ daŋ shile nna n yɔ mo kutɔ. Loŋ be basa na daa sa fanɛ basa alfa ana, nɛ Deevid ki bumo be ejuŋkparpo.

1 Samuɛl 22:4

Nɛ Mowab be ewura na shuli nɛ Deevid shin nɛ mo tuto nɛ mo nio ya kaa wɔ ewura na kutɔ nɛ Deevid bre kraŋ ŋana.

1 Samuɛl 3:18

Ndoŋ nna nɛ Samuɛl kaŋɛ mo kusɔ kama. E maŋ ta shɛŋ shɛŋ ŋ ŋana mo so. Nɛ Eli kaŋɛ le: “Mo e la Enyɛnpe Ebɔrɛ na, kusɔ kama nɛ k par mo e wora.”