1 Samuɛl 22:2 - EBƆRƐ BE KAWƆL

² Basa nɛ b daa ji awurfoŋ na nɛ bumo nɛ b ji akɔ nɛ bumo nɛ asheŋ maa bɔlɔ bumo kenishi na kikɛ daŋ shile nna n yɔ mo kutɔ. Loŋ be basa na daa sa fanɛ basa alfa ana, nɛ Deevid ki bumo be ejuŋkparpo.

1 Samuɛl 22:2 ပူးပေါင်းရင်းမြစ်များ

2 Samuɛl 17:8

Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

2 Bewura 4:1

Kachako nɛ ekulpoche nɛ e la anebiana na be katuŋ to be eche na yɔ Elaisha kutɔ n ya kaŋɛ mo le: “N nyɛnpe, ma kul wu nna. Fo alɛ nyi e ka daa la esa nɛ e kɔ kabɔrɛŋana ga. Naniere esa ko nɛ e paŋ amansherbi a maŋ tiŋ ŋ ka na, ba nɛ e ba keta ma mbinyɛnsobi anyɔ.”

Aŋasa 31:6

Yige nsa n sa bumo nɛ b maŋ naa kɔ tama kikɛ nsaa yɔ kemur to na.

Matiu 11:12

Yili jemanɛ nɛ Jɔn kabɔrɛbɛrpo bɔ mbe kubɔya na m ba fo mbre, Ebɔrɛ be kuwura na baa nya eleŋ nna ga a yɔ anishito nɛ belempo ko malɛ gba baa wora ania ga a fin kesuge kumo.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

Demujipoana 11:3

Ndoŋ nna nɛ Jɛfta lar n shile n yɔ Tɔb be efuli so n ya chena nɛ basa galso ko malɛ chala bumo be amu n ya tu mo n chena nsaa bɛ mo so a wora asheŋ.

Demujipoana 18:25

Ndoŋ nna nɛ Dan be yiri to be basa na kaŋɛ: “Sa maa malga a kesar anyi. Fo baŋ shin nɛ an nya agbo, fo nɛ fo kanaŋ kikɛ beeŋ wu.”

1 Samuɛl 1:10

Haana be kagbene daŋ jija mo nna ga nɛ kabɔltoduŋi pɛ mo, amoso e ka daa kule Ebɔrɛ na kikɛ nɛ e bee shu,

1 Samuɛl 22:3

Kumo be kaman nɛ Deevid lar kebeelaŋ nɛ k mata Adulam na to n yɔ Mizpa ashi Mowab be efuli so n ya kaŋɛ Mowab be ewura le: “Jande shin nɛ n tuto nɛ n nio e ba chena fo kutɔ n ya fo saŋɛ nɛ meeŋ wu kusɔ nɛ Ebɔrɛ beeŋ wora n sa ma.”

1 Samuɛl 23:13

Ndoŋ nna nɛ Deevid nɛ mbe basa alfa ashe kikɛ lar Kiila epul na to n ya kaa chena mboŋ ko a wora kashiŋ nsaa koso ndoŋ a yɔ anishi to. Sɔɔl ka nu fanɛ Deevid lar Kiila n choŋ, nɛ e chɛrga mbe nfɛra nsaa maŋ naŋ yɔ ndoŋ.

1 Samuɛl 25:13

Ndoŋ nna nɛ Deevid kaŋɛ bumo le: “Men ta men be etokobi!” Deevid nɛ mbe benapo, beeŋ wora fanɛ basa alfa ana, e ta bumo be etokobi nɛ b yɔ nseŋ yige basa alfa anyɔ malɛ bumo be keeyi to.

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”