1 Samuɛl 22:19 - EBƆRƐ BE KAWƆL

¹⁹ Sɔɔl daŋ shin nna nɛ Duɛg yɔ Nɔb, nɛ k la bɔrɛmatapoana be kade to na, n ya mɔ ndoŋebi kikɛ. E daŋ mɔ benyɛn nɛ beche nɛ mbia nɛ mbi popɔrbiana nɛ ana nɛ ekurma nɛ mbolpɔ kikɛ nna.

1 Samuɛl 22:19 ပူးပေါင်းရင်းမြစ်များ

Nehemaya 11:32

Anatɔf nɛ Nɔb nɛ Anani

Aizaaya 10:32

Kabre bedoŋ na wɔ kade nɛ baa tre Nɔb na to nna m bɔɔ enɔ a fiɛ to a teŋi a ŋini Zayɔn be kebee nɛ k wɔ Jerusalɛm na.

Hoziya 10:14

kena beeŋ ku nɛ menyi nɛ men be kumɔlga be kakpa lempo e mur. Kumo be kemur na beeŋ baa du nna fanɛ kachɛ nɛ ewura Shalma ta kena m ba mur Bɛtabel be kade, nseŋ ta bibinioana nɛ bumo be mbia ŋ ŋmɛa ajembu m mɔ na nna.

Matiu 21:16

nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Joshuwa 6:17

Men mur kade na nɛ kusɔ kama nɛ k wɔ kumo to kikɛ nɛ kumo be loŋ e baa la sarga n sa Enyɛnpe Ebɔrɛ na. Sakaleche Reehab nɛ basa nɛ b wɔ mbe laŋ to nawule e naaŋ ji efute ŋkpal e ka daŋ ta basa nɛ an shuŋi fanɛ b ya dara kasawule na ŋ ŋana so.

Joshuwa 6:21

nseŋ ta bumo etokobi m mɔ benyɛn nɛ beche nɛ mbia nɛ benimu nɛ kusɔ kama nɛ k wɔ kade na to kikɛ. B daŋ mɔ ana nɛ mbolpɔ nɛ ekurma nɛ amo kikɛ ki sarga n sa Ebɔrɛ.

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”

1 Samuɛl 15:8

E daŋ pɛ Amalɛk be ewura Agag nna nseŋ mɔ mbe basa kikɛ.

1 Samuɛl 15:9

Sɔɔl nɛ mbe benapo na daa maŋ mɔ Agag. B daa maŋ mɔ mbolpɔ lela nɛ bumo be bibi nɛ ana lela nɛ bumo be bibi ŋko n jija kusɔ kama nɛ k walɛ m par bumo na; kusɔ kama nɛ k daa maŋ kɔ tɔnɔ na nɛ b daŋ jija.

1 Samuɛl 21:1

Nɛ Deevid yɔ bɔrɛmatapo Ahimɛlɛk kutɔ ashi kade nɛ baa tre Nɔb na. Nɛ Ahimɛlɛk chicha kufuso n lar m ba Deevid kutɔ m ba bishi mo le: “Manɛ nna nɛ fo nawule kpeŋ ba nfe?”

1 Samuɛl 22:11

Ndoŋ nna nɛ ewura Sɔɔl shuŋi n tre bɔrɛmatapo Ahimɛlɛk nɛ mbe kanaŋ, nɛ bumo kikɛ la bɔrɛmatapoana ashi Nɔb na, nɛ b ba mo kutɔ.

1 Samuɛl 22:9

Duɛg nɛ e la Edɔm be esa na gba daa yil Sɔɔl be benimuana na kutɔ nna nseŋ kaŋɛ le: “N daŋ wu Deevid ka wɔ Ahitub pibinyɛn Ahimɛlɛk nɛ e la bɔrɛmatapo na kutɔ ashi Nɔb.