1 Samuɛl 22:18 - EBƆRƐ BE KAWƆL

¹⁸ Nɛ Sɔɔl kilgi ŋ kaŋɛ Duɛg nɛ e shi Edɔm na le: “Mɔ bɔrɛmatapoana na kikɛ!” Kumo be kamɔnchɛ bɔrɛmatapoana nɛ b fo kabɔrɛmata be epiŋi nɛ baa tre Ɛfɔd na be kebuu na be basa aduburwa nɛ anu nɛ Duɛg mɔ.

1 Samuɛl 22:18 ပူးပေါင်းရင်းမြစ်များ

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Nshɛ 78:64

Bɔrɛmatapoana na daŋ wu luwu nyaŋgraŋ nna, bumo be bekulpoche maŋ nya n shu bumo be nli gba.

Ɛksodɔs 28:40

Men baa nle nɛ ekreso nɛ eneemu n sa Ɛɛrɔn be bibinyɛn na malɛ nɛ a shin nɛ b baa kɔ bunyaŋ nsaa walɛ ayɛrbi.

Aŋasa 24:15

Sa maa kɔ kumu kpakpaso fanɛ belubiworapo nɛ baa yuri basa lela be asɔ, ŋko a suge bumo be nwu na.

Hoziya 5:11

Israɛl be basa luri tɔrɔ damta to nseŋ paŋ kasawule nɛ k la bumo peya na ŋkpal b ka ya kaa shuŋ agbir so.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

1 Samuɛl 2:18

Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.

1 Samuɛl 2:36

Fo kanaŋ to be esa kama nɛ e kraa wɔ ŋkpa to malɛ beeŋ yɔ bɔrɛmatapo na kutɔ n ya jɔŋɛ ŋ kule mo amansherbi nɛ ajibi, mo alɛ nseŋ naŋ kule fanɛ b sa mo alɛ gba bɔrɛmatapo be kushuŋ ko nɛ e chɛ to n shuŋ nseŋ nya kusɔ jiso.”