1 Samuɛl 22:16 - EBƆRƐ BE KAWƆL

¹⁶ Nɛ Sɔɔl kaŋɛ le: “Ahimɛlɛk, fo nɛ fo kanaŋ kikɛ daga luwu.”

1 Samuɛl 22:16 ပူးပေါင်းရင်းမြစ်များ

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 19:2

Ndoŋ nna nɛ Jɛzebel shuŋi fanɛ b ya kaŋɛ Elaija kubɔya ere. E yɛ: “Ta a ba echefo saŋɛ ere so nɛ ŋ ka maŋ wora fo kusɔ nɛ fo wora agbirwuraana ere gbagba n tal to, kumo ere agbir na e mɔ ma.”

Ɛsta 3:6

E ka pin fanɛ Mɔdikaya la Juw be esa nna nɛ e yili kumo fanɛ e maaŋ tɔrɔ Mɔdikaya nawule, nsaa kre nia fanɛ e beeŋ mɔ Juw kama nɛ e wɔ Ewura Sɛgsis be efuli so.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Danɛl 2:12

Nɛ kumo be loŋ shin nɛ agbo pɛ ewura na alegaiso hale nɛ e ponte ŋ kaŋɛ fanɛ b mɔ benyiashempo nɛ b wɔ Babilɔn be efuli so na kikɛ.

Danɛl 2:5

Nɛ ewura na kaŋɛ bumo le: “Kusɔ nɛ n yili e la fanɛ, men pin ma edare nɛ ŋ ku na, nseŋ kaŋɛ ma kumo be kifito gba n ti so. Nɛ men baa maŋ tiŋ n wora loŋ, meeŋ shin nɛ b kuya menyi to fanɛ mblaŋkul nseŋ shin nɛ b bure menyi be elaŋana malɛ gba cheche.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Ashuŋ Shunso 12:19

Nɛ Hɛrɔd sa kɔnɔ fanɛ basa e fin mo, nɛ b fin mo ŋ gben. Nɛ e shin nɛ b bishi bekumpo na mbe asheŋ nɛnɛ nseŋ shin nɛ b mɔ bumo. Kumo be kaman nɛ Hɛrɔd shi Jerusalɛm n yɔ Sizariya n ya wora nchɛnnyɔ ndoŋ.

Ditɛronɔmi 24:16

A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.

1 Samuɛl 14:44

Nɛ Sɔɔl kaŋɛ Jonatan le: “Nɛ fo baa maŋ wu bre, kumo ere Ebɔrɛ e mɔ ma.”

1 Samuɛl 20:31

Fo maŋ nyi fanɛ nɛ Deevid baa wɔ ŋkpa to, fo maaŋ ji efuli ere be kuwura kikɛ a? Men ya pɛ Deevid m bar ma nfe, ŋkpal manɛ so, e daga luwu!”

1 Samuɛl 22:15

Mannɛ kede e la ma sososo ŋ ka bee malga Ebɔrɛ kutɔ ŋkpal Deevid so. Kumo alɛ be loŋ maŋ naŋ dii fo agbo kikɛ. Nɛ manɛ be kulubi nɛ mee fin fo? Sa maŋ wu ma ŋko ma kanaŋ to be esa kikɛ kulubi ŋkpal le be asheŋ ere so!”

1 Samuɛl 22:17

Kumo be kaman nɛ Sɔɔl ponte ŋ kaŋɛ bekumpo na le: “Men mɔ Enyɛnpe Ebɔrɛ be bɔrɛmatapoana na kikɛ, ŋkpal manɛ so, bumo nɛ Deevid e wora kɔnɔ ŋ kre asheŋ. B nyi Deevid ka daa shile nɛ b kini kekaŋɛ ma.” Ama bekumpo na be ekama maŋ teŋi keshilbi gba ŋ ŋini Enyɛnpe Ebɔrɛ be bɔrɛmatapoana na.