1 Samuɛl 21:7 - EBƆRƐ BE KAWƆL

⁷ Duɛg nɛ e shi Edɔm be efuli so nsaa la Sɔɔl be mbolpɔkpapo nimuso na gba daŋ ba ndoŋ kumo be kamɔnchɛ nna, nɛ e ba bunyaŋ Enyɛnpe Ebɔrɛ.

1 Samuɛl 21:7 ပူးပေါင်းရင်းမြစ်များ

Jɛnesis 26:20

Ama k maŋ chɛr ko nɛ Gerar be asɔbɔya kpapoana nɛ Aizek be asɔbɔya kpapoana fara a dii abar so. Gerarebi be asɔbɔyakpapoana na daa kaŋɛ nna fanɛ nchu na la bumoya nna. Ndoŋ nna nɛ Aizek nase kaboŋ na Esɛk ŋkpal kɔnɔgberge nɛ b daŋ nya ndoŋ na so so.

2 Kronikɛls 26:10

Mo alɛ daŋ m pɔr atempreŋ jeŋgreŋ nna ashi efuli na be kiyi to nseŋ kur edampu damta ŋkpal e ka kɔ asɔbɔya damta nɛ b wɔ epeŋitɔrkpa be kaba so be abee be efuli nɛ keplasawule so na so. Ŋkpal e ka bee sha kudɔ ga so, e daŋ leŋ basa na to nna fanɛ b baa dɔ ndibi nɛ baa tre greep na be adɔ ashi abee be efuli na so nsaa dɔ adɔjibi ndoŋ be kasawule lela na so.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Levitikɔs 22:10

Bɔrɛmatapoana nɛ bumo be nnaŋ to be basa nawule e naŋ tiŋ n ji esarga cheembi na. Bɔrɛmatapo be efɔ ŋko mbe eshumpo nɛ e ber paa gba maaŋ tiŋ n ji amo.

Levitikɔs 22:13

Ama mo pibiche nɛ e la ekulpoche ŋko emo nɛ mo kul kini nɛ e maŋ kɔ mbia nseŋ bɛta m ba mo tuto be laŋ to nɛ mo tuto bee bela mo, bre beeŋ tiŋ n ji mo tuto be ajibi nɛ a la bɔrɛmatapo be kachige na.

Levitikɔs 24:5

Men ta nyifu fanɛ kurwa ashe n wora ebodobodo kudu anyɔ.

Levitikɔs 24:8

Kewushiachɛ kikɛ, a daga fanɛ men baa chɛrga ebodobodo na Enyɛnpe Ebɔrɛ na be anishito ashi nshɛr be wajɛbu na to. Kushuŋ nɛ k dese n sa Israɛl be basa hale mbaanaayɔ nna na.

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

Matiu 15:8

‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa.

1 Samuɛl 11:5

K maŋ chɛr ko nɛ Sɔɔl shi ndɔ to m bɛ mbe ana dɔso so a ba m ba bishi bumo le: “Manɛ e wora a? Manɛ nna nɛ ekama bee shu loŋ?” Ndoŋ nna nɛ b kaŋɛ mo kusɔ nɛ mbɔ nɛ b shi Jabesh na ba kaŋɛ.

1 Samuɛl 14:47

Saŋɛ nɛ Sɔɔl daa ji kuwura ashi Israɛl be efuli so na, e daŋ yɔ kaplɛkama nɛ mo doŋana wɔ nna n ya kɔ bumo kena. Mo doŋana e daa la Mowab be basa nɛ Ammɔn nɛ Edɔm be basa nɛ Zoba be bewura nɛ Filistiebi. Kaplɛkama malɛ nɛ e daŋ kɔ kena, e daŋ pɔɔ so nna.

1 Samuɛl 21:8

Nɛ Deevid kaŋɛ Ahimɛlɛk le: “Fo kɔ kekpa ŋko tokobi nɛ fo sa ma a? Ewura na ka tre ma eleŋso na e shin nɛ ŋ kuse nseŋ teŋ ma tokobi nɛ ma akɔsɔ na be kekama so.”

1 Samuɛl 22:10

Nɛ Ahimɛlɛk bishi Enyɛnpe Ebɔrɛ kusɔ nɛ k daga Deevid ka wora nseŋ sa Deevid ajibi. E ta Goliɛf nɛ e la Filisti be esa na be tokobi gba n ti so n sa mo.”

1 Samuɛl 22:22

Nɛ Deevid yɛ: “Kachɛ nɛ n wu Duɛg na nɛ m pin kashenteŋto fanɛ e beeŋ ya kaŋɛ Sɔɔl. Ma ere so nɛ b kpal m mɔ fo kanaŋ na.

1 Samuɛl 22:9

Duɛg nɛ e la Edɔm be esa na gba daa yil Sɔɔl be benimuana na kutɔ nna nseŋ kaŋɛ le: “N daŋ wu Deevid ka wɔ Ahitub pibinyɛn Ahimɛlɛk nɛ e la bɔrɛmatapo na kutɔ ashi Nɔb.