1 Samuɛl 21:5 - EBƆRƐ BE KAWƆL

⁵ Nɛ Deevid yɛ: “Kashenteŋto, b maŋ di beche. Ŋkpal manɛ so hale nɛ anyee yɔ nɛ an ya shuŋ kushuŋ kama gba, b maa wora loŋ. Ama ewura be kushuŋ to bre nɛ baaŋ wora loŋ a?”

1 Samuɛl 21:5 ပူးပေါင်းရင်းမြစ်များ

Ɛksodɔs 19:14

Ndoŋ nna nɛ Mosis gbelge m ba basa na kutɔ ashi kebeegboŋ na be kaseto m ba shin nɛ b lara alubi ashi bumo be ŋgbene to ŋ ki cheembi nseŋ fɔr bumo be asɔbuuso.

Ɛksodɔs 19:15

Kumo be kaman nɛ Mosis kaŋɛ bumo: “Men wora shiriya a jo eklade. Men sa maŋ kaŋ di keche nɛ kenyɛn hale n ya fo kumo be kachɛ na.”

Ɛksodɔs 25:30

Kumo be kaman nɛ men ta teebɔl na n yili kɔnɔkoŋwule be ŋkre be deka na be anishito nsaa ta bodobodo nɛ b kɔ a lara sarga a sa ma na a deŋi kumo so saŋkikɛ.”

Levitikɔs 24:9

Ebodobodo na la Ɛɛrɔn nɛ mbe kaman to ebi be kachige nna. Ŋkpal a ka la asɔ cheembi ashi esargajibi nɛ baa lara a sa Enyɛnpe Ebɔrɛ na so, a daga fanɛ b baa ji amo kaboŋ cheembi nna.”

Levitikɔs 8:26

nseŋ lara ebodobodo nɛ a maŋ kɔ yiisi kelantaŋɛ nɛ b ta m bɔɔ Enyɛnpe Ebɔrɛ enɔ na to be kukoŋwule nɛ bodobodo nɛ b ta ŋku n wea to n wora na be kukoŋwule nɛ krakashi koŋwule n deŋi nfɔ na nɛ kebɛaŋ na so

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

1 Kɔrintebi 7:5

Amoso, men sa maŋ kaa mɔn abar keche nɛ kenyɛn be kedi ashi men be kebaawɔtɔ to ama men baŋ yili kumo nna fanɛ men maaŋ ba abar so yili saŋko n ya fo saŋko ŋkpal men ka bee sha keta men be nfɛra n wɔtɔ kabɔrɛkule to so. Ama kumo be loŋ be kaman men naŋ ba abar so nɛ Setani e sa maŋ kaŋ nya ekpa n fule menyi nɛ men tɔr mbe kechɔŋkeni to ŋkpal men ka maaŋ tiŋ n nyiti so.

1 Pita 3:17

Ŋkpal manɛ so nɛ k la Ebɔrɛ be kepar be kusɔ fanɛ men nya tɔrɔ nɛ men nya loŋ be tɔrɔ na ŋkpal kelela mo nɛ men wora so, k walɛ a chɔ men ka wora alubi ŋkaa nya tɔrɔ.