1 Samuɛl 21:10 - EBƆRƐ BE KAWƆL

¹⁰ Kumo be kamɔnchɛ na nɛ Deevid fara a shile a ŋana Sɔɔl so hale n yɔ ewura Akish kutɔ ashi Gaaf nɛ k wɔ Filisti be efuli so na.

1 Samuɛl 21:10 ပူးပေါင်းရင်းမြစ်များ

1 Bewura 19:3

Anebi Elaija ka nu loŋ nɛ kufu pɛ mo nɛ e shile a mɔlga mbe kumu. E daŋ keta mbe kayɛrbi nna n yɔ Bɛshiba nɛ k wɔ Juda be efuli so be kelargato be kaseto na n ya yige mo ndoŋ.

Nshɛ 56:1

O, Enyɛnpe Ebɔrɛ, wu ma kuwɔr. Bedoŋ ju a buu ma so kapa nɛ kanyɛ nna. Saŋɛ kikɛ baa firgi a taga ma to nna.

Jɛremaya 26:21

Ewura Jehowakim nɛ mbe benimuana nɛ benapo be bejuŋkparpoana na ka nu kusɔ nɛ anebi Uriya kaŋɛ na, nɛ ewura na wora ania fanɛ e beeŋ mɔ mo. Ama Uriya daŋ nu kumo be asheŋ nseŋ ta kufu n shile n yɔ Ijipt be efuli so.

1 Samuɛl 17:2

Nɛ Sɔɔl nɛ Israɛl be benapo malɛ ba abar so m ba wora bumo be keeyi to ashi ketaŋɛ nɛ baa tre Ela na be kaba nseŋ yili ndoŋ m bela ase m bɛ abar so kelargato nɛ b ya kɔ Filistiebi na kena.

1 Samuɛl 17:51

Deevid daŋ shile nna n ya pe Goliɛf be tokobi ashi kumo be efar to ŋ ku Goliɛf be kumu. Filistiebi na ka wu fanɛ bumo kikɛ to be elempo na wu, nɛ b lara keya n shile.

1 Samuɛl 22:10

Nɛ Ahimɛlɛk bishi Enyɛnpe Ebɔrɛ kusɔ nɛ k daga Deevid ka wora nseŋ sa Deevid ajibi. E ta Goliɛf nɛ e la Filisti be esa na be tokobi gba n ti so n sa mo.”