1 Samuɛl 20:8 - EBƆRƐ BE KAWƆL

⁸ Jande, wora ma kechɛto nseŋ bɛ kɔnɔ nɛ ma nɛ fo yili Enyɛnpe Ebɔrɛ be ketre so n nase na so. Nɛ n wora kulubi nna, kumo ere fo gbagba mɔ ma bɔ fo ka ta ma n sa fo tuto nɛ e mɔ.”

1 Samuɛl 20:8 ပူးပေါင်းရင်းမြစ်များ

Jɛnesis 24:49

Amoso naniere, men jande, men kaŋɛ ma, Menyeeŋ wora n nyɛnpe na kelela ŋko men maaŋ wora loŋ? Nɛ menyeeŋ wora loŋ, men kaŋɛ ma, nɛ men maaŋ wora loŋ malɛ, men kaŋɛ ma, saŋɛ na so meeŋ pin kakpa nɛ meeŋ naŋ sɔ to.”

Jɛnesis 47:29

Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

2 Samuɛl 14:32

Nɛ Absalɔm kaŋɛ le: “N daa sha keshuŋi fo nna nɛ fo ya mata ewura n sa ma, ama ŋ ka shuŋi n tre fo, nɛ fo kini. Manɛ bre e lara ma Geshur m ba nfe? N daa wɔ ndoŋ gba nna k daa beeŋ baa bɔ ma so. Amoso wora ania n shin nɛ n wu ewura, nɛ k ba fanɛ ma e wora n jija, kumo ere fo shin nɛ ewura a mɔ ma.”

1 Kronikɛls 12:17

Ndoŋ nna nɛ Deevid daŋ lar n ya tu bumo nseŋ kaŋɛ bumo le: “Nɛ men la beteri nɛ baa ba nɛ b ba chɛ ma to ŋ kɔ nna bre, kumo ere mee wora menyi ansaŋ nɛ keba. Ama nɛ fanɛ men ba nna nɛ men ba debɔr ma ŋ ŋini ma doŋana saŋɛ nɛ m maŋ wora menyi kulubi kikɛ ere, an nananyɛnana be Ebɔrɛ na beeŋ gberge menyi kusoe.”

Nshɛ 116:11

Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.

Aŋasa 3:3

Sa maŋ shin nɛ kebaayɛ a wora e baa barga fo kikɛ. Chɛ kumo n shɛga fo kubɔ to fanɛ kubɔtoshembi, n shin nɛ k bɔlɔ fo kagbene to a dii efuli ashi fo kebaawɔtɔ to.

Ashuŋ Shunso 25:11

Nɛ n daŋ wora kusɔ ko nna n da mbra na so nɛ k daga ma luwu, n daa maaŋ gelge kumo be loŋ. Ama nɛ kashenteŋ maŋ wɔ asheŋ nɛ baa kaŋɛ fanɛ n wora ere to, esa kikɛ maaŋ tiŋ n ta ma m bɔɔ bumo enɔ. Romebi be ewurgboŋ na nɛ mee kule fanɛ e keni ma demu na to.”

Joshuwa 2:14

Nɛ basa na yɛ: “Nɛ an baŋ maŋ wora kusɔ nɛ anyee shin nɛ an kaŋɛ fo ere, Ebɔrɛ e mɔ anyi. An nase kɔnɔ fanɛ nɛ fo baŋ maŋ kaŋɛ basa kusɔ nɛ anyee wora ere bre, kumo ere nɛ Enyɛnpe Ebɔrɛ na baŋ ta kasawule ere n sa anyi bre, anyeeŋ wora menyi kelela.”

Joshuwa 22:22

“Enyɛnpetale na nawule e la Ebɔrɛ! Mo nawule e la Enyɛnpe Ebɔrɛ. Mo nawule e nyi kusɔ nɛ k ba nɛ an pɔr bɔrɛsure ere. Anyi alɛ bee sha fanɛ menyi alɛ gba e pin kumo be loŋ nna. Nɛ fanɛ an kini kenu n sa Enyɛnpe Ebɔrɛ na nna ŋko n wora kusoe kpakpaso bre, kumo ere men sa maŋ shin nɛ an ji efute

Ruf be kawɔl 1:8

B ka bee yɔ nɛ Nawomi kaŋɛ bumo le: “Men bɛta a yɔ men nioana kutɔ. Enyɛnpe Ebɔrɛ na e ya kaa wora menyi kelela fanɛ kananɛ men wora ma nɛ menyi kulana kelela saŋɛ nɛ b daa wɔ ŋkpa to na.”

1 Samuɛl 18:1

Deevid nɛ Sɔɔl ka malga n loge na, k maŋ chɛr ko nɛ Deevid nɛ Jonatan ki beteri kpakpaso. Jonatan daa sha Deevid be asheŋ ga fanɛ kananɛ e bee sha mo gbagba be kumu.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.

1 Samuɛl 20:16

Anyi be kɔnɔ nɛ an nase n sa abar na maaŋ jija kikɛ. Nɛ k baŋ jija malɛ, Enyɛnpe Ebɔrɛ e gberge fo kusoe.”

1 Samuɛl 20:9

Nɛ Jonatan yɛ: “Kare gba! Nɛ n daa nyi fanɛ n tuto bee fin fo nna kashenteŋto nɛ e mɔ, dafanɛ maŋ kaŋɛ fo a?”

1 Samuɛl 23:18

Ndoŋ nna nɛ bumo benyɔ kikɛ naŋ nase keteri kpakpaso be nnɔ ashi Ebɔrɛ be anishito n sa abar. Nɛ Deevid bre daŋ shir a wɔ Hɔrɛsh nɛ Jonatan malɛ yɔ epe.