1 Samuɛl 20:5 - EBƆRƐ BE KAWƆL

⁵ Nɛ Deevid kaŋɛ le: “Echefo e la kufɔl popɔr be kachɛ sososo be kejigboŋ na, nɛ k daga fanɛ ŋ ka ya tu fo tuto n ji, ama m maaŋ wora loŋ. Meeŋ yɔ kupuŋ to n ya fin kakpa ko ŋ ŋana n ya fo eklade be kaaseso.

1 Samuɛl 20:5 ပူးပေါင်းရင်းမြစ်များ

2 Bewura 4:23

Nɛ mo kul bishi mo: “Manɛ nna nɛ fee sha keyɔ kabre? Kabre maŋ la kewushiachɛ ŋko kufɔl popɔr be kejigboŋ be kachɛgboŋachɛ.” Nɛ kache na shuli so ŋ kaŋɛ: “Kashenteŋ nna.”

Nshɛ 55:12

Nɛ bedoŋ e daa tege ma nsaa wora ma eyurto, n daa beeŋ tiŋ n nyiti ŋko n shile ŋ ŋana bumo so.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Aŋasa 22:3

Enyiashempo baaŋ wu kenishipere ka bee ba e bee gelge kumo nna, ama esa nɛ e maa pin asheŋ to manaŋ manaŋ bre bee suse kumo to nna; kumo be kaman nɛ e wora n daa nyi nna.

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

Nɔmbɛs 10:10

Nɛ men baa ji menyi be kufɔl popɔr be kejigboŋ nɛ kabɔrɛshuŋ be kejigboŋana ko, k daga men baa foŋ mbel na saŋɛ nɛ menyee lara sarga chɔɔso nɛ kɔnɔkoŋwuleso be esarga na nɛ ma nɛ n la men Nyɛnpe nɛ men be Ebɔrɛ na e chɛ menyi to.”

Nɔmbɛs 28:11

Kufɔl kikɛ be kachɛ juŋkparso men lara egbolu fɔlbi anyɔ nɛ b maŋ kɔ ndulgi, nɛ kpakpa koŋwule nɛ k maŋ kɔ ndulgi, nɛ nfɛ koko be ekpakpa ashunu nɛ a maŋ kɔ ndulgi m ba sa Enyɛnpe Ebɔrɛ.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Ashuŋ Shunso 17:14

Epul na to nɛ bekurgepoana na nya manaŋ n shin nɛ Pɔɔl yɔ teku ase be nde to nseŋ ka Sailas nɛ Timoti Beriya to.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

1 Samuɛl 19:2

Ndoŋ nna nɛ Jonatan kpele Deevid kusoe ŋ kaŋɛ mo le: “N tuto bee fin fo nɛ e mɔ, amoso baa da so. Echefo chipurso ya ŋana kupuŋ to nsaa wɔ ndoŋ.

1 Samuɛl 20:18

Ade kikɛ be kaman nɛ Jonatan kaŋɛ le: Echefo e la kufɔl popɔr be kachɛ sososo be kejigboŋ na, fo alɛ baa maŋ yɔ ndoŋ, ekama nyam beeŋ pin fo ka maŋ wɔ ndoŋ.

1 Samuɛl 20:19

Eklade be kaaseso bre nɛ baaŋ pin ga fanɛ fo maŋ wɔtɔ, amoso naŋ yɔ kakpa nɛ fo daŋ ŋana saŋɛ so nɛ le be asheŋ ere kikɛ fara na, n ya ŋana ajembu nɛ a deŋ abar so kululu na ase.

1 Samuɛl 20:24

Ndoŋ nna nɛ Deevid ya ŋana kupuŋ to. Kachɛ nɛ baa ji kufɔl popɔr be kachɛ sososo be kejigboŋ na nɛ Sɔɔl ba kejigboŋ na to

1 Samuɛl 20:27

B ka ji kufɔl popɔr be kachɛ sososo be kejigboŋ na ŋklade nɛ esa kama kraa maŋ tase Deevid be kakpa na, nɛ Sɔɔl bishi Jonatan le: “Manɛ nna nɛ Deevid maŋ ba kejigboŋ na to ndre nɛ kabre kikɛ?”

1 Samuɛl 20:4

Nɛ Jonatan kaŋɛ Deevid le: “Kusɔ kama nɛ fee sha, meeŋ wora kumo n sa fo.”

1 Samuɛl 20:6

Sɔɔl kaa fin ma, fo kaŋɛ mo fanɛ ŋ kule fo ekpa nna m bɛta n yɔ ma kade to Bɛtlɛhɛm nɛ n ya tu ma basa n lara kafɛ kikɛ be sarga nɛ baa lara ndoŋ na.