1 Samuɛl 20:3 - EBƆRƐ BE KAWƆL

³ Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 20:3 ပူးပေါင်းရင်းမြစ်များ

2 Samuɛl 15:21

Nɛ Ittai kaŋɛ ewura na le: “Yiramu, ŋkpal Enyɛnpe Ebɔrɛ nɛ e la ma shɛdajipo na so, kaplɛkama nɛ fee yɔ, hale nɛ k la luwu to nna gba, ma nɛ fo beeŋ yɔ.”

2 Bewura 2:2

B ka wɔ ekpa to a yɔ na, nɛ anebi Elaija kaŋɛ Elaisha le: “Enyɛnpe Ebɔrɛ na kaŋɛ fanɛ n yɔ Bɛtɛl, amoso fo ere e baa jo nfe.” Nɛ Elaisha kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, meeŋ tu fo n yɔ.” Amoso bumo kikɛ daŋ bɛ abar so nna n yɔ Bɛtɛl.

2 Bewura 2:4

Ndoŋ nna nɛ Anebi Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɛriko, amoso ba jo nfe.” Nɛ Elaisha malɛ kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b yɔ Jɛriko.

2 Bewura 2:6

Kumo be kaman nɛ Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɔɔdan be Lɔr na to, amoso baa jo ma nfe.” Nɛ Elaisha yɛ: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b bɛ abar so a yɔ.

Nshɛ 116:3

Luwu daŋ kulti ma nna n wɔtɔ a funti ma; nɛ keyɔ nchaŋ to be kagbenejija daŋ tɔr ma so. Kufu nɛ kafɔŋ e daŋ bɔlɔ ma to.

Jɛremaya 38:16

Nɛ Ewura Zɛdikaya nase kɔnɔ ashiri to ŋ kaŋɛ ma le: “M bɔ Ebɔrɛ nɛ e sa anyi ŋkpa ere fanɛ m maaŋ mɔ fo ŋko n ta fo n sa basa nɛ baa fin fo kemɔ na nɛ b mɔ.”

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Ditɛronɔmi 28:66

Kapa nɛ kanyɛ menyeeŋ baa wɔ kufu gboŋgboŋi be kebaawɔtɔ to, a lɔ kufu fanɛ bedoŋ beeŋ mɔ menyi.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Hibruwebi 6:16

Nɛ basa baa bɔ ntaŋ, esa nɛ e chɔ bumo be ketre nɛ baa kaa ti a bɔ ntaŋ na a ji kashenteŋ a mɔ emɔrɔ kama nɛ k wɔ bumo be nfɛra to.

1 Samuɛl 1:26

Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.

1 Samuɛl 17:55

Saŋɛ nɛ Deevid daa yɔ nɛ e ya kɔ Goliɛf na, nɛ Sɔɔl bishi mbe benapo be enimu Abna le: “Abna, wanɛ pibinyɛn nde?” Nɛ Abna yɛ: “Yiramu, m maŋ nyi.”

1 Samuɛl 20:2

Nɛ Jonatan kaŋɛ le: “Ebɔrɛ maaŋ shuli gba nɛ n tuto e mɔ fo. E maa ta kusɔ kama a ŋana ma so. Kede bre nɛ e beeŋ ta ŋ ŋana ma so a? K maŋ la kashenteŋ!”

1 Samuɛl 20:4

Nɛ Jonatan kaŋɛ Deevid le: “Kusɔ kama nɛ fee sha, meeŋ wora kumo n sa fo.”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.

1 Samuɛl 27:1

Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”