1 Samuɛl 20:26 - EBƆRƐ BE KAWƆL

²⁶ Kumo be kamɔnchɛ na Sɔɔl daa maŋ kaŋɛ shɛŋ ŋkpal manɛ so e daa fɛ nna fanɛ, ashere Deevid wora n da daŋkare be ekishi ko so nna so nɛ e maŋ tiŋ n wea bumo to.

1 Samuɛl 20:26 ပူးပေါင်းရင်းမြစ်များ

Levitikɔs 11:24

Esa kama nɛ e beta asɔbɔya ere be kekama be kuwuso maaŋ baa walɛ so hale nɛ epeŋi e ya tɔr. Asɔbɔya na a la amo nɛ a kɔ alotobi nɛ a maŋ barga to nɛ amo alɛ maa gbu a pla nɛ asɔbɔya kikɛ nɛ a kɔ akuti. Esa kama nɛ e sulɔ asɔbɔya ere be kekama be kuwuso daga e fɔr mbe asɔbuuso, ama e kraa beeŋ baa wɔ eyurpi to n ya fo kaaseso.

Levitikɔs 11:31

Esa kama nɛ e beeŋ beta amo be kekama be kekeniso ŋko kuwuso beeŋ baa wɔ eyurpi to hale nɛ epeŋi e ya tɔr.

Levitikɔs 11:40

Esa kama nɛ e we kusɔbɔya na be eblaŋ daga e fɔr mbe asɔbuuso, ama e beeŋ kraa wɔ eyurpi to hale nɛ kaase e ya fo. Esa kama malɛ nɛ e sulɔ loŋ be kusɔbɔya gba daga kefɔr mbe asɔbuuso, ama mo alɛ kraa beeŋ baa wɔ eyurpi to hale nɛ kaase e ya fo.

Levitikɔs 15:5

Esa kama malɛ nɛ e beta mbe kusɔ deseso daga e fɔr mbe asɔbuuso nseŋ m bɛr nchu. Mo alɛ kraa beeŋ baa wɔ eyurpi to hale n ya fo kaaseso.

Nɔmbɛs 19:16

Ekama nɛ e beta esa nɛ b mɔ kowushina ŋko esa nɛ e wu kowushina be kebuni, ŋko dimɛdi be kuwibi ŋko nchaŋ gba wora eyurpi daŋkare be ekpa so nchɛnshunu.

1 Samuɛl 16:5

Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.

1 Samuɛl 20:27

B ka ji kufɔl popɔr be kachɛ sososo be kejigboŋ na ŋklade nɛ esa kama kraa maŋ tase Deevid be kakpa na, nɛ Sɔɔl bishi Jonatan le: “Manɛ nna nɛ Deevid maŋ ba kejigboŋ na to ndre nɛ kabre kikɛ?”