1 Samuɛl 20:2 - EBƆRƐ BE KAWƆL

² Nɛ Jonatan kaŋɛ le: “Ebɔrɛ maaŋ shuli gba nɛ n tuto e mɔ fo. E maa ta kusɔ kama a ŋana ma so. Kede bre nɛ e beeŋ ta ŋ ŋana ma so a? K maŋ la kashenteŋ!”

1 Samuɛl 20:2 ပူးပေါင်းရင်းမြစ်များ

Jɛnesis 44:7

Ndoŋ nna nɛ b bishi mo le: “Manɛ e ba nɛ fo, an nyɛnpe bee malga le ere? Kaarɛ gba nɛ anyi, fo anya e wora loŋ!

Nshɛ 40:6

Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Aŋasa 29:24

Esa nɛ e bee tu eyu a yuri la mo gbagba be kumu so be edoŋ nna. Ŋkpal manɛ so, nɛ b bɔ ntaŋ n lɛ mo so gba e maaŋ tiŋ n ji kashenteŋ.

Aizaaya 50:5

Enyɛnpe Ebɔrɛ na e shin nɛ m pin asheŋ to a maŋ lar mo kaman ŋko n shile mo na.

Luuk 20:16

E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:

Baru lela nɛ Jɔn kute na 15:15

M maŋ naa tre menyi ma anya, ŋkpal manɛ so, kenya maa pin mo nyɛnpe be asheŋ woraso to. Naniere bre mee tre menyi n teriana nna, ŋkpal manɛ so, kusɔ kama nɛ ŋ koya ashi n Tuto na kutɔ, m maŋ ta amo ŋ ŋana menyi so.

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Joshuwa 22:29

Anyi maaŋ kini kenu n sa Enyɛnpe Ebɔrɛ ŋko ŋ kini kebɛ mo so nseŋ pɔr bɔrɛsure a chɔɔ sarga kumo so ŋko a lara ajibi be sarga ŋko sarga kama kumo so. Anyi maaŋ pɔr bɔrɛsure kikɛ n naŋ ti Enyɛnpe nɛ e la anyi be Ebɔrɛ be bɔrɛsure nɛ k yil Enyɛnpe Ebɔrɛ be wajɛbu na be anishito na so.”

Joshuwa 24:16

Ndoŋ nna nɛ basa na kaŋɛ: “Anyi maaŋ yige keshuŋ Enyɛnpe Ebɔrɛ na nseŋ ya kaa shuŋ agbir.

1 Samuɛl 14:45

Ama le nɛ basa na daŋ kaŋɛ Sɔɔl: “Jonatan nɛ e kɔ kena m pɔɔ so n sa Israɛl be efuli ere e daga luwu a? Loŋ maaŋ wora kikɛ, ŋkpal manɛ so, an teŋ nase kɔnɔ Enyɛnpe Ebɔrɛ nɛ e la anyi be shɛdajipo na be anishito fanɛ Jonatan be kemin gba maaŋ tia, ŋkpal manɛ so, Ebɔrɛ e chɛ mo to nɛ e wora kusɔ nɛ e wora kabre ere.” Amoso basa na e daŋ mɔlga Jonatan nɛ e maŋ luri luwu to.

1 Samuɛl 20:1

Ndoŋ nna nɛ Deevid shile n lar Nayɔf nɛ k wɔ Raama na n yɔ Jonatan kutɔ n ya bishi mo le: “Manɛ nɛ n wora fo tuto Sɔɔl nɛ e bee sha kemɔ ma? Manɛ be kulubi nɛ n wora?”

1 Samuɛl 20:12

nɛ Jonatan kaŋɛ le: “Enyɛnpe Ebɔrɛ nɛ e la Israɛl be Ebɔrɛ nsaa la ma shɛdajipo na be eleŋto, ta n ya ka fo eklade saŋɛ ere so nɛ m pin kusɔ nɛ n tuto bee fɛ. E kaa fɛ fo nfɛra lela, meeŋ kaŋɛ fo.

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 9:15

Kumo be ŋklade, pɔɛŋ nɛ Sɔɔl ba na, le nɛ Enyɛnpe Ebɔrɛ daŋ kaŋɛ Samuɛl.