1 Samuɛl 20:16 - EBƆRƐ BE KAWƆL

¹⁶ Anyi be kɔnɔ nɛ an nase n sa abar na maaŋ jija kikɛ. Nɛ k baŋ jija malɛ, Enyɛnpe Ebɔrɛ e gberge fo kusoe.”

1 Samuɛl 20:16 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

2 Samuɛl 21:8

Sɔɔl nɛ Ayai pibiche Rizpa daŋ kurge mbinyɛnsobi anyɔ nna. Bumo e daa la Amoni nɛ Mifiboshɛf. Sɔɔl pibiche Merab gba nɛ Bazilai pibinyɛn Adriɛl nɛ e shi Mɛhola na daŋ kurge mbinyɛnsobi anu nna.

Jɛremaya 40:9

Ndoŋ nna nɛ Gɛdaliya kaŋɛ bumo le: “Ma e kaŋɛ menyi na fanɛ a maŋ daga fanɛ men tɔr kapɔŋ n sa Babilɔnebi na. Menyeeŋ tiŋ n chena nfe nsaa shuŋ Babilɔn be ewura nɛ asheŋ e nite nɛnɛ n sa menyi.

Ditɛronɔmi 23:21

Nɛ men baŋ nase Enyɛnpe menyi be Ebɔrɛ na kɔnɔ, a daga fanɛ men wora kumo m bɔlɔ so manaŋ. Nɛ mannɛ aloŋ Enyɛnpe menyi be Ebɔrɛ na beeŋ bishi menyi kumo nɛ k ki kulubi n sa menyi.

Joshuwa 22:23

Nɛ fanɛ an wora Enyɛnpe Ebɔrɛ na kusoe kpakpaso nna nseŋ pɔr anyi gbagba be bɔrɛsure nɛ an baa chɔɔ esarga kumo so ŋko a lara ajibi be esarga ŋko a lara kɔnɔkoŋwule be esarga kumo so bre, Enyɛnpe Ebɔrɛ na e gberge anyi kusoe.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.

1 Samuɛl 20:42

Ndoŋ nna nɛ Jonatan kaŋɛ Deevid le: “Ebɔrɛ e yɛr fo nɛ alenfia, ama baa nyiŋi kananɛ ma nɛ fo nase kɔnɔ Enyɛnpe Ebɔrɛ be ketre to a yɔ anyi be keteri be kaplɛa so n sa abar na. Ebɔrɛ malɛ beeŋ shin nɛ ma kanaŋ nɛ fo kanaŋ e bɛ kɔnɔ naseso ere so hale mbaanaayɔ.” Ndoŋ nna nɛ Deevid choŋ, nɛ Jonatan malɛ bɛta n yɔ kade to.

1 Samuɛl 22:8

Ama menyi kikɛ maŋ yil ma kaman. Menyi alɛ be ekama malɛ maŋ kaŋɛ ma fanɛ m pibinyɛn Jonatan nɛ Deevid wora kɔnɔkoŋwule be ŋkre nna. Ma asheŋ maŋ tir menyi, amoso esa kama maŋ kaŋɛ ma fanɛ Jonatan e naa leŋ Deevid to fanɛ e mɔ ma!”

1 Samuɛl 23:18

Ndoŋ nna nɛ bumo benyɔ kikɛ naŋ nase keteri kpakpaso be nnɔ ashi Ebɔrɛ be anishito n sa abar. Nɛ Deevid bre daŋ shir a wɔ Hɔrɛsh nɛ Jonatan malɛ yɔ epe.

1 Samuɛl 25:22

Ta a ba kachipurso nɛ mbe kanaŋ to be enyɛn kama kraa wɔ ŋkpa to, kumo ere Ebɔrɛ e mɔ ma!”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.

1 Samuɛl 31:2

Ama Filistiebi na daŋ ju m buu bumo so nna nseŋ ya mɔ Sɔɔl be mbinyɛnsobi asa, Jonatan nɛ Abinadab nɛ Malkishuwa.