1 Samuɛl 2:8 - EBƆRƐ BE KAWƆL

⁸ Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.

1 Samuɛl 2:8 ပူးပေါင်းရင်းမြစ်များ

Jɛnesis 41:14

Epul na to nɛ Fɛɛro shuŋi fanɛ b ya lara Josɛf kabuti na to m ba. Nɛ b ya bar mo manaŋ manaŋ. E daŋ she mbe kumu nna nseŋ chɛrga mbe asɔbuuso pɔɛŋ nseŋ ba Fɛɛro be anishito.

Jɛnesis 41:40

Kumo be kaman nɛ e kaŋɛ: “Fo nɛ meeŋ ta ŋ ki ma ebɛsopo nɛ fo baa keni ma kowu kikɛ so nɛ ma basa kikɛ e baa nu a sa fo. Ma kuwura ere be eyilikpa be eleŋ be kaplɛa so nawule nɛ meeŋ baa chɔ fo.”

2 Samuɛl 7:8

Amoso kaŋɛ ma kayɛrbi Deevid fanɛ ma Enyɛnpetale Ebɔrɛ na e naa kaŋɛ mo ere, Deevid fanɛ n lara fo ashi mbolpɔkpapo be kushuŋ to nna nseŋ ta fo ŋ ki ma basa Israɛlebi be ejuŋkparpo.

1 Bewura 16:2

“Fo daa maŋ la shɛŋ nɛ n lara fo ashi fo basa to nseŋ ta fo ŋ ki ma basa Israɛlebi be ejuŋkparpo. Ama fo alɛ wora alubi fanɛ kananɛ ewura Jeroboam daŋ wora na nseŋ shin nɛ ma basa wora alubi nɛ ma agbo kaa.

2 Bewura 9:6

Ndoŋ nna nɛ Jehu koso n luri ebu to nɛ anebifɔlbi na n luri ebu na to n ya chulgi ɔlif be ŋku n wurge mbe kumu so nseŋ kaŋɛ mo le: “Enyɛnpe nɛ e la Israɛl be Ebɔrɛ na yɛ e bee buu fo mbe basa Israɛlebi be kuwura nna.

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Job be kawɔl 2:8

Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.

Nshɛ 102:25

Sososo na kikɛ nɛ fo to durnya n yili kumo be gbaltɔlase so. Fo gbagba be enɔ nɛ fo ta n to ebɔrɛso gba.

Nshɛ 104:5

Fo e to durnya n yili kumo be gbaltɔlase so, nɛ k maaŋ tiŋ ŋ gbuŋgbuŋ na.

Nshɛ 107:41

Nɛ asheŋ baŋ tir menyi nɛ menyee ji awurfoŋ, e beeŋ ba mɔlga menyi nseŋ shin nɛ menyi be nnaŋ e salga fanɛ mboe nɛ mbolpɔ.

Nshɛ 24:2

Mo e ta kumo n yili, nseŋ ta teku nɛ nchuana n wɔtɔ kumo be kaseto.

Nshɛ 75:3

Nɛ kasawule gbuŋgbuŋ nɛ basa bee chicha gba, ma e kraa kɔ kumo be gbaltɔlase to a yil dindiŋ.

Nshɛ 75:4

Ma e naa kaŋɛ kumukpakpasowura fanɛ e sa maa kpeŋ a wu mbe kumu.

Nshɛ 75:7

Ebɔrɛ e naa ji kusɔ kama demu. Mo e naa bar eko kaseto nsaa maŋ eko so!

Aizaaya 22:23

Meeŋ shin nɛ e baa yil to kpakpa fanɛ b ka gbir keyir kasawule to na. E beeŋ baa la esa nɛ mbe kanaŋ to ebi kikɛ beeŋ bɔla so n nya kemaŋkura.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 6:3

Nɛ Danɛl be kushuŋ bɔlɔ ewura na kenishi a chɔ mo braana na nɛ egomena na kikɛ. Ŋkpal loŋ so nɛ ewura na yili kumo fanɛ e beeŋ shin nɛ Danɛl e ki efuli na so kikɛ be ejuŋkparpo.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 1:6

nseŋ ta anyi ŋ ki mbe kuwura to ebi nɛ bɔrɛmatapoana nɛ an baa shuŋ mbe Ebɔrɛ nɛ Etuto na. Kemaŋkura nɛ eleŋ e baa la Yesu Kristo peya saŋkikɛ mbaanaayɔ. Amɛn.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.

Kelaraŋŋini 5:10

Fo ta bumo ŋ ki an be Ebɔrɛ be kuwura to ebi nɛ bɔrɛmatapoana nɛ b baa shuŋ mo nɛ b ba ji kuwura kasawule so.”

1 Samuɛl 15:17

Nɛ Samuɛl yɛ: “Fo gbagba nyi fo ka daa maŋ la shɛŋ; ama naniere mannɛ fo e ba ki Israɛl be eyiri kikɛ be ejuŋkparpo ere a? Fo nɛ Enyɛnpe Ebɔrɛ lara fanɛ fo ki Israɛl be ewura naniere,