1 Samuɛl 2:5 - EBƆRƐ BE KAWƆL

⁵ Basa nɛ b daa nya a ji yɛlyɛla so na bee ji paa nna a fin bumo be kusɔ jiso naniere, ama bekama nɛ akoŋ daa mɔ na bre maŋ naa shu akoŋ. Fo e shin nɛ egbentepo kurge mbia ashunu, nɛ bibi damta bumo nio malɛ paŋ mbe mbia kikɛ.

1 Samuɛl 2:5 ပူးပေါင်းရင်းမြစ်များ

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Nshɛ 34:10

Ebuluŋ gba bee kaa di akoŋ ama bekama nɛ baa wora Enyɛnpe na kasonu bre, maa fin kusɔ lela a gben.

Aizaaya 33:9

Nsawule kikɛ wɔl a dese jiga. Lebanɔn be kupo na wɔl ŋ gbaŋgbaŋ afantaŋ nɛ Sharɔn be ketaŋɛ lela na ki fanɛ keshishɛrsawule. Ndibi nɛ a wɔ Bashan nɛ kebee nɛ baa tre Kamɛl na so gbaŋgbaŋ amo be afantaŋ.

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Jɛremaya 15:9

Enio nɛ e beeŋ paŋ mbe mbia ashunu beeŋ kreŋ n dese a fute a gben. Kapiidi beeŋ ki fanɛ kanyɛso n sa mo, ŋkpal e ka beeŋ ji anishinyɔr nseŋ nya kagbenejija damta so. Kumo be kaman nɛ n shin nɛ men doŋana e mɔ menyi to be bumo nɛ baaŋ ka a wɔ ŋkpa to na. Ma, Enyɛnpe Ebɔrɛ e kaŋɛ na.”

Luuk 1:53

E sa bumo nɛ akoŋ bee mɔ na asɔ lela ga nseŋ shin nɛ damawuraana bɛta n yɔ nɛ enɔfuloŋ.

Luuk 16:25

Nɛ Eebraham kaŋɛ mo le: ‘M pibi baa nyiŋi saŋɛ nɛ fo daa wɔ ŋkpa to a ji fo ebel na nsaa nyiŋi kananɛ Lazɔrɔs malɛ daŋ ji awurfoŋ na. Ama naniere e luri ebel to nɛ fo alɛ luri ebesa to.

Galeeshaebi 4:27

Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

Ruf be kawɔl 4:15

Nawomi, fo shache bee sha fo nseŋ wora asɔ damta n sa fo a chɔ asɔ nɛ mbinyɛnbi ashunu daa beeŋ wora. Kumo be kaman, naniere e sa fo enanabi nyɛnso mo nɛ e beeŋ baa leŋ fo to nseŋ ba kaa keni fo so ashi fo mbel to.”

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.

1 Samuɛl 1:6

Haana mo chamana Pɛnina daa wora mo eyurto nɛ asheŋ besaso nna ŋkpal Enyɛnpe Ebɔrɛ ka shin nɛ e la egbentepo so.