1 Samuɛl 2:30 - EBƆRƐ BE KAWƆL

³⁰ Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.

1 Samuɛl 2:30 ပူးပေါင်းရင်းမြစ်များ

1 Bewura 11:11

Amoso le nɛ Enyɛnpe Ebɔrɛ daŋ kaŋɛ ewura Sɔlɔmɔn: “Ŋkpal fo ka kute ŋ kini ma nɛ fo be kɔnɔkoŋwule be ŋkre na nɛ ma mbra na be kebɛso so, meeŋ sɔ kuwurji na fo kutɔ n sa fo benimuana na be eko.

1 Bewura 2:27

Ndoŋ nna nɛ ewura Sɔlɔmɔn ju Abiata ashi Enyɛnpe Ebɔrɛ be kabɔrɛmata be kushuŋ to, nɛ kusɔ nɛ Enyɛnpe Ebɔrɛ malga dra dra ashi Shilo a laŋɛ bɔrɛmatapo Eli nɛ mbe kaman to ebi be asheŋ na kikɛ e bɔlɔ so.

1 Kronikɛls 17:18

Manɛ nɛ n naa kɔ nɛ ŋ kaŋɛ? Fo nyi ma, fo kenya nɛnɛ. Ama fo kraŋ ta ma n yili kemaŋkura be eyilikpa.

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 26:18

nɛ b ya kuŋ mo akpa. B yɛ: “Uziya, fo maŋ kɔ ekpa nɛ fo chɔɔ duwu n sa Enyɛnpe Ebɔrɛ. Bɔrɛmatapoana nɛ b shi Ɛɛrɔn be kanaŋ to na nawule e kɔ ekpa nɛ b tiŋ n wora loŋ. Lar kakpa cheembi ere ŋkpal manɛ so fo wora kulubi ŋ gbiti Ebɔrɛ nɛ mbe nɛfa maŋ naa wɔ fo so.”

Nshɛ 18:20

Enyɛnpe Ebɔrɛ wora loŋ nna n sa ma ŋkpal ŋ kaa bee wora asheŋ nɛ a niŋi so. Ŋ ka maa wora alubi na be kakɔka nna na.

Nshɛ 18:26

Fee ta kagbenekoŋwule nna a wora asheŋ a sa bumo nɛ b kɔ kagbenekoŋwule. Ama fee gberge alubiworapoana bre kusoe nna.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 73:20

Baaŋ baa du fanɛ edare nɛ kare beeŋ chɛ nɛ k choŋ na nna. O Enyɛnpe Ebɔrɛ, fo baŋ kpa n niŋi to, baaŋ foe fanɛ afu.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Ɛksodɔs 28:43

A daga fanɛ Ɛɛrɔn nɛ mbe mbinyɛnso na e baa wɔtɔ loŋ be ewondoŋshiimbi ere saŋkama nɛ baa luri Enyɛnpe be wajɛbu na to ŋko saŋkama nɛ baa ba bɔrɛsure na ase nɛ b ba shuŋ ma ashi kakpa cheembi na to, saŋɛ na so b maaŋ wu ŋkpal b ka na kayurkpaŋ so. Le be mbra ere beeŋ baa dese n sa Ɛɛrɔn nɛ mbe kaman to ebi hale mbaanaayɔ.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Aŋasa 4:8

Baa sha kanyiasheŋ nɛ k ta fo ŋ ki esa gboŋ. Pɛ kumo to kpakpa nɛ k bar fo kemaŋkura.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Jɛremaya 49:15

Enyɛnpe Ebɔrɛ na malɛ beeŋ shin nɛ men ki basa pɔso nɛ esa kama maaŋ naa sa menyi bunyaŋ.

Ezikɛl 34:10

Ma, Enyɛnpetale Ebɔrɛ na yɛ ma nɛ menyi maŋ naa kɔ shɛŋ. Ma alɛ beeŋ suge ma mbolpɔ menyi be enɔ to nɛ menyi maaŋ naa la bumo be ekpapo a nya bumo a mɔ a we.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Malakai 2:3

Meeŋ gberge men be mbia kusoe nseŋ ta asɔbɔya nɛ menyee ta a lara esarga na be ebin ŋ gbiti menyi be anishito. Kumo be kaman nɛ ma nɛ menyi maa naa kɔ shɛŋ.

Nɔmbɛs 11:20

ama kufɔl lelemu nɛ menyee we amo hale nɛ a fi menyi. Ŋkpal men ka kini ma nsaa fubel a bile asheŋ a kaŋɛ fanɛ men daa nyi gba nna, menyi maŋ lar Ijipt be efuli so so.”

Nɔmbɛs 35:34

Men sa maŋ kaŋ jija kasawule nɛ men wɔ so ere, ŋkpal manɛ so, ma e la Enyɛnpe Ebɔrɛ na. Ma alɛ wɔ menyi to nna.”

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Baru lela nɛ Jɔn kute na 8:49

Nɛ Yesu kaŋɛ bumo: “Kiyoyu lubi kama maŋ wɔ ma to. N Tuto nɛ mee bunyaŋ nɛ menyi alɛ maa bunyaŋ ma.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

Demujipoana 9:10

Ndoŋ nna nɛ ndibi na naŋ kaŋɛ lemudibi na le: “Ba ki anyi be ewura.”