1 Samuɛl 2:3 - EBƆRƐ BE KAWƆL

³ Menyi kamoowuwuraana; men yige men be nfɛlso be mmalga na. Shɛŋ shɛŋ maa ŋana fo Enyɛnpe Ebɔrɛ so. Fo alɛ e naaŋ ji ekama be aworbi demu.

1 Samuɛl 2:3 ပူးပေါင်းရင်းမြစ်များ

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

Job be kawɔl 31:6

Ebɔrɛ e wora ma ŋ keni, e beeŋ wu fanɛ kulubi maŋ wɔ ma to.

Nshɛ 147:5

An Nyɛnpe Ebɔrɛ na shi alegaiso nsaa kɔ eleŋ ga. Mo alɛ bee pin kusɔ kama to nna.

Nshɛ 17:10

B maa wu kuwɔr nsaa ji njɔŋ.

Nshɛ 31:18

Shin nɛ befɛpo na e lo bumo be nnɔ. Bumo e naa wu bumo be amu nsaa keni basa niŋiso jiga na.

Nshɛ 44:21

fo daŋ beeŋ pin; ŋkpal manɛ so, fo nyi kagbene to be ashiri kikɛ.

Nshɛ 75:5

Ma e naa kaŋɛ bumo fanɛ b yige kebaapuchi a malga bumo be keshi be asheŋ.”

Nshɛ 94:4

Basa lubi ere bee nite nna a puchi bumo be asheŋ lubi so.

Aŋasa 16:2

Dimɛdi beeŋ fɛ fanɛ mbe asheŋ woraso walɛ, ama Enyɛnpe Ebɔrɛ nawule e nyi kusɔ nɛ k walɛ.

Aŋasa 24:12

Nɛ fo kaŋɛ fanɛ k maŋ la fo asheŋ, Ebɔrɛ nɛ e nyi nfɛra nɛ aworbi na bre nyi kusɔ so so nɛ fee wora kusɔ kama. Mo alɛ e naŋ ka fo kusɔ kama nɛ fo wora be kukɔ.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 26:7

Kusɔ nɛ k daga nɛ fo Enyɛnpe Ebɔrɛ bee wora jemanɛ kikɛ, nsaa shin nɛ ekpabi bee ki fanɛ kegbembi a sa basa nɛ baa wora fo kasonu.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Ezikɛl 35:13

Ma alɛ naŋ nu mpuchi be mmalga nɛ men malga ŋ gbiti ma na gba.”

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Danɛl 5:27

Egbɛ, na malɛ be kifito bee ŋini nna fanɛ b ta fo aworbi m ber Ebɔrɛ be alelasheŋ n wu fanɛ fo aworbi maŋ walɛ kuraa.

Malakai 3:13

Enyɛnpe na yɛ, “Men ku asheŋ lubi damta n deŋi ma, ama le nɛ menyee bishi, ‘Manɛ be asheŋ nɛ an ku n deŋi fo?’

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Joshuwa 22:22

“Enyɛnpetale na nawule e la Ebɔrɛ! Mo nawule e la Enyɛnpe Ebɔrɛ. Mo nawule e nyi kusɔ nɛ k ba nɛ an pɔr bɔrɛsure ere. Anyi alɛ bee sha fanɛ menyi alɛ gba e pin kumo be loŋ nna. Nɛ fanɛ an kini kenu n sa Enyɛnpe Ebɔrɛ na nna ŋko n wora kusoe kpakpaso bre, kumo ere men sa maŋ shin nɛ an ji efute

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Demujipoana 9:38

Ndoŋ nna nɛ Zebul kaŋɛ mo: “Nnɛ nɛ fo keshi be mmalga na wɔ? Mannɛ fo e daŋ kaŋɛ fanɛ wanɛ e la Abimelɛk nɛ a daga fanɛ an baa shuŋ mo na a? Mannɛ basa nɛ fo daa wora eyurto na nde a? Ba choŋ n ya kɔ bumo ai!”

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”