1 Samuɛl 2:29 - EBƆRƐ BE KAWƆL

²⁹ Ama fo maa keni ma esarga na a bɔlɔ kenishi. Manɛ nna nɛ fee bunyaŋ fo mbinyɛnsobi na a chɔ ma nseŋ shin nɛ baa ji esarga na be mboŋ lela kikɛ?

1 Samuɛl 2:29 ပူးပေါင်းရင်းမြစ်များ

2 Bewura 12:6

Ama Jɔash ka ji kuwura be nfɛ adunyɔ nɛ asa kikɛ to nɛ bɔrɛmatapoana maŋ naŋ lɔŋɛ bɔrɛlambu na.

Nshɛ 26:8

Mee sha fo bɔrɛlambu na, nɛ kakpa nɛ fo kemaŋkura wɔ ga na.

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Ezikɛl 34:10

Ma, Enyɛnpetale Ebɔrɛ na yɛ ma nɛ menyi maŋ naa kɔ shɛŋ. Ma alɛ beeŋ suge ma mbolpɔ menyi be enɔ to nɛ menyi maaŋ naa la bumo be ekpapo a nya bumo a mɔ a we.

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Hoziya 4:8

Alubi nɛ ma basa bee wora na so nɛ menyeeŋ bɔla n dii dama. Amoso nɛ men shin nɛ baa wora alubi a ti so saŋkama na.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Maika 3:5

Kusɔ nɛ Enyɛnpe Ebɔrɛ na bee kaŋɛ nde: ‘Anebiana ko wɔtɔ nna a fule a nase kayurwushi be kɔnɔ a sa basa nɛ baa sa bumo kusɔ jiso nsaa ta kena a funti bekama nɛ b maa wora loŋ na. Enyɛnpe Ebɔrɛ na bee kaŋɛ loŋ be anebiana na nna fanɛ

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Luuk 14:26

“Esa kama nɛ e ba ma kutɔ nsaa maŋ kishi mo tuto gbagba nɛ mo nio nɛ mbe eche nɛ bibi nɛ besiponyɛnana nɛ besipocheana hale mo gbagba be kumu be aparsheŋ, e maaŋ tiŋ a la ma ebɛsopo.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 33:9

Fo nɛ baa nu a sa a chɔ bumo kurgepoana nɛ bumo niopibiana nɛ bumo be mbia. Kusɔ nɛ fo kaŋɛ kenishipere so na nɛ baa wora kasonu, nsaa ji kashenteŋ a sa fo kɔnɔkoŋwule be ŋkre na.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.