1 Samuɛl 2:23 - EBƆRƐ BE KAWƆL

²³ Ndoŋ nna nɛ Eli kaŋɛ mbe mbinyɛnsobi na le: “Manɛ nna nɛ menyee wora le be asheŋ lubi ere? Esa kama bee malga menyi be kulubi ere be asheŋ a kaŋɛ ma.

1 Samuɛl 2:23 ပူးပေါင်းရင်းမြစ်များ

Aizaaya 3:9

Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Samuɛl 2:22

Eli daŋ bel ga, mo alɛ nsaa nu kusɔ nɛ mbe mbinyɛnsobi na kɔ a ŋini Israɛlebi na hale n nu fanɛ mbia na bee tu beche nɛ baa shuŋ Enyɛnpe Ebɔrɛ be Nshɛr be wajɛbu na be kabuna to na nna a di keche nɛ kenyɛn.

1 Samuɛl 2:24

Mbia, men yige loŋ be asheŋ na. Enyɛnpe Ebɔrɛ na be basa bee malga asheŋ lubi nɛ menyee wora ere kikɛ be asheŋ a kaŋɛ ma.