1 Samuɛl 2:22 - EBƆRƐ BE KAWƆL

²² Eli daŋ bel ga, mo alɛ nsaa nu kusɔ nɛ mbe mbinyɛnsobi na kɔ a ŋini Israɛlebi na hale n nu fanɛ mbia na bee tu beche nɛ baa shuŋ Enyɛnpe Ebɔrɛ be Nshɛr be wajɛbu na be kabuna to na nna a di keche nɛ kenyɛn.

1 Samuɛl 2:22 ပူးပေါင်းရင်းမြစ်များ

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 37:2

Jeekɔb nɛ mbe kanaŋ to ebi be asheŋ nde. Josɛf ka daŋ n fo nfɛ kuduashunu na nɛ mo nɛ mo da nyɛnsoana nɛ b la mo tuto be beche Bilha nɛ Zilpa be mbia na daa kpa mbolpɔ. Loŋ be saŋɛ na so Josɛf daa wɔtɔ nna a ta mo daana na be asheŋ woraso m ba kaa kute a sa mo tuto.

Ɛksodɔs 38:8

B daŋ ŋalga beche nɛ baa shuŋ Enyɛnpe be wajɛbu na be kabuna to be danyaŋ be edigi nna n lɔŋɛ katishaŋgboŋ na nɛ kumo be ketɔl.

Ezikɛl 22:26

Israɛl be bɔrɛmatapoana bee gal ma mbraana nna a nase nsaa keni ma asɔ cheembi jiga. B maa barga asɔ nɛ a du cheembi nɛ amo nɛ a maŋ du cheembi to. Bumo alɛ maa ŋini basa kananɛ asɔ nɛ a walɛ so nɛ amo nɛ a maŋ walɛ so kɔr abar to. Ade kikɛ be kaman, b maa bɛ ma kewushiachɛ na so. Israɛl be basa maa sa ma bunyaŋ.

1 Samuɛl 2:23

Ndoŋ nna nɛ Eli kaŋɛ mbe mbinyɛnsobi na le: “Manɛ nna nɛ menyee wora le be asheŋ lubi ere? Esa kama bee malga menyi be kulubi ere be asheŋ a kaŋɛ ma.

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.

1 Samuɛl 8:1

Samuɛl ka bel, nɛ e lara mbe mbinyɛnsobi anyɔ nɛ b ki Israɛl be demujipoana.