1 Samuɛl 2:18 - EBƆRƐ BE KAWƆL

¹⁸ Le be saŋɛ so kikɛ nɛ kebinyɛnsobi Samuɛl bee shuŋ Enyɛnpe Ebɔrɛ na nna, nsaa buu kabɔrɛmata be piŋi nɛ baa tre ɛfɔd na.

1 Samuɛl 2:18 ပူးပေါင်းရင်းမြစ်များ

2 Samuɛl 6:14

Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

1 Kronikɛls 15:27

Deevid nɛ beshɛbompo be enimu Chɛnanaya nɛ Livaiebi nɛ b daŋ sulɔ ŋkre be deka na daŋ buu ago be kechɛbi lela be epiŋi nna. Ewura Deevid bre daŋ buu kabɔrɛmata be piŋi nɛ baa tre ɛfɔd na nna n daŋi mbe piŋi so.

Ɛksodɔs 28:4

Shin nɛ b lɔŋɛ kusɔ kuŋ kagbeneso fanɛ kɔlgu, nɛ kale nɛ k maŋ kɔ mbre nɛ baa tre ɛfɔd na nɛ piŋi tenteŋ nɛ k bee fo aya so nɛ danshiki nɛ b ta jese n lue nɛnɛ nɛ neemu nɛ kreso peŋgeleŋ. Loŋ be asɔbuuso na e daga fanɛ b lɔŋɛ n sa fo da Ɛɛrɔn nɛ mbe mbinyɛnso, a ŋini fanɛ b la bɔrɛmatapoana nna a shuŋ ma.

Levitikɔs 8:7

Ndoŋ nna nɛ e ta bɔrɛmatapo nimuso be asɔbuuso nɛ a la danshiki nɛ piŋi tenteŋ na nɛ kale nɛ k maŋ kɔ mbre nɛ baa tre ɛfɔd na m buu Ɛɛrɔn nseŋ ta kreso peŋgelembi ko ŋ kre mbe nteto.

1 Samuɛl 14:3

Ahija nɛ e daa la bɔrɛmatapo na gba daa wɔ ndoŋ. Mo e daa buu kale lela nɛ baa tre Ɛfɔd na nɛ bɔrɛmatapo nimuso bee buu a bishi kusɔ nɛ Ebɔrɛ bee sha na. Ahija mo tuto e daa la Ahitub nɛ mo tuto mo da malɛ daa la Ikabod. Ahitub malɛ mo tuto e daa la Finihas nɛ Finihas malɛ mo tuto daa la Eli mo nɛ e daa la Enyɛnpe Ebɔrɛ be bɔrɛmatapo ashi Shilo na. Bumo alɛ be ekama daa maŋ nyi fanɛ Jonatan lar ndoŋ.

1 Samuɛl 2:11

Kede be kaman nɛ Ɛlkana nɛ Haana bɛta n yɔ bumo be kade to Raama, ama kebinyɛnsobi Samuɛl bre daŋ shir bɔrɛmatapo Eli kutɔ nna ashi Shilo a shuŋ Enyɛnpe Ebɔrɛ na.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.

1 Samuɛl 22:18

Nɛ Sɔɔl kilgi ŋ kaŋɛ Duɛg nɛ e shi Edɔm na le: “Mɔ bɔrɛmatapoana na kikɛ!” Kumo be kamɔnchɛ bɔrɛmatapoana nɛ b fo kabɔrɛmata be epiŋi nɛ baa tre Ɛfɔd na be kebuu na be basa aduburwa nɛ anu nɛ Duɛg mɔ.

1 Samuɛl 3:1

Jemanɛ nɛ kebinyɛnsobi Samuɛl daa wɔ Eli kutɔ a shuŋ Enyɛnpe Ebɔrɛ na, be saŋko saŋko, Enyɛnpe Ebɔrɛ na daa malga a sa basa nna, amoso e daa maa lara mbe kumu a ŋini basa saŋɛ damta.