1 Samuɛl 2:1 - EBƆRƐ BE KAWƆL

¹ Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.

1 Samuɛl 2:1 ပူးပေါင်းရင်းမြစ်များ

2 Kronikɛls 20:27

Kumo be kaman nɛ Ewura Jehoshafat juŋkpar mbe benapo n yɔ Jerusalɛm kagbenefuliso ŋkpal Enyɛnpe Ebɔrɛ ka pɔɔ bumo doŋana so n sa bumo so.

Nehemaya 11:17

Mika pibinyɛn Mataniya malɛ gba daŋ ti Livaiebi na so. Mo nananyɛnana e daa la Zaabdi nɛ Asaf. Mataniya e daa juŋkpar bɔrɛlambu na to be beshɛbompo be katuŋ nɛ baa bunyaŋ Ebɔrɛ na. Esa nɛ e daa sɔ Mataniya so e la Bakbukia. Shamua malɛ pibinyɛn Abda nɛ e la Galal mo nanabiana gba daa la Livaiebi nɛ b chena Jerusalɛm to na be eko nna. Le be Galal ere shi Jedutum be kanaŋ to nna.

Job be kawɔl 16:15

Amoso nɛ n ta bɔtɛ m ba piŋi m buu nseŋ chena eshishɛrpumpuŋ to a shu fanɛ ŋ ka bee shu keeli na.

Nshɛ 118:14

Enyɛnpe Ebɔrɛ na e wɔtɔ ma eleŋ to nseŋ sa ma kashɛ nɛ m boŋ; mo e mɔlga ma.

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 20:5

Nɛ asheŋ nite nɛnɛ n sa fo, anyeeŋ cha awɔr kagbenefuliso; nseŋ maŋ anyi be etuta so ashi anyi be Ebɔrɛ be ketre to. Enyɛnpetale Ebɔrɛ na e wora asɔ nɛ fee bishi na n sa fo.

Nshɛ 21:2

Fo wora mbe kagbene be aparsheŋ n sa mo. Fo maŋ kini kewora kusɔ nɛ e bishi fo na.

Nshɛ 35:9

Nɛ ma kagbene e fuli ma ŋkpal Enyɛnpe Ebɔrɛ na so; nɛ n ji eyur ŋkpal e ka mɔlga ma so.

Nshɛ 51:15

Enyɛnpe Ebɔrɛ, bugi ma kɔnɔ nɛ n fur fo.

Nshɛ 71:8

Meeŋ kpaŋ fo nsaa ber fo kemaŋkura be kebomboŋ karechɛ kikɛ.

Nshɛ 75:10

O Enyɛnpe Ebɔrɛ, feeŋ mur basa lubi be eleŋ, nseŋ shin nɛ basa niŋiso bre be eleŋ e ti so.

Nshɛ 89:17

Ŋkpal manɛ so, bumo be kemaŋkura nɛ eleŋ shi fo kutɔ nna, nɛ fo kuwɔrwu malɛ bee shin nɛ anyee nya eleŋ a ti so.

Nshɛ 89:18

Kashenteŋto, anyi be kekuŋ bee shi Enyɛnpe Ebɔrɛ na kutɔ nna. Israɛl be Ebɔrɛ cheembi na e la anyi be ewura.

Nshɛ 89:24

Ma kashenteŋji be kasha na beeŋ baa wɔ mo so; ma alɛ beeŋ shin nɛ e baa kɔ a pɔɔ so jemanɛ kikɛ.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Nshɛ 92:10

Fo shin nɛ n nya eleŋ fanɛ kupuntona nna, nɛ fo lara ma n yili n sa fo gbagba be kumu.

Ɛksodɔs 15:1

Ade kikɛ be kaman nɛ Mosis nɛ Israɛlebi na kikɛ boŋ le be kashɛ ere n sa Enyɛnpe Ebɔrɛ a kaŋɛ: “Meeŋ boŋ kashɛ n sa Enyɛnpe Ebɔrɛ na, ŋkpal manɛ so e kɔ m pɔɔ so kemaŋkuragboŋ so. Mo e shin nɛ egbaŋɛ nɛ bumo be bediipoana mur ashi teku to na.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Habakuk 3:1

Kabɔrɛkule nɛ anebi Habakuk kule nde.

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Luuk 1:69

E sa anyi Emɔlgapo lempo nɛ e shi Deevid mbe kenya be kanaŋ to.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

1 Samuɛl 1:6

Haana mo chamana Pɛnina daa wora mo eyurto nɛ asheŋ besaso nna ŋkpal Enyɛnpe Ebɔrɛ ka shin nɛ e la egbentepo so.

1 Samuɛl 1:7

Kafɛ kikɛ nɛ b baŋ yɔ Enyɛnpe Ebɔrɛ be lambu to, Pɛnina bee wora Haana eyurto ga nna hale nɛ e baa shu nseŋ kini ajibi gba be keji.