1 Samuɛl 19:5 - EBƆRƐ BE KAWƆL

⁵ E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”

1 Samuɛl 19:5 ပူးပေါင်းရင်းမြစ်များ

2 Samuɛl 23:10

Ndoŋ nna nɛ Eliaza yili to ŋ kɔ Filistiebi na hale nɛ mbe enɔ ki shiŋgreŋ nɛ e maaŋ naŋ tiŋ n yige tokobi to. Kumo be kamɔnchɛ nɛ Enyɛnpe Ebɔrɛ na sa bumo kekɔmpɔɔso gboŋgboŋi. Kena na ka loge na nɛ Israɛl be benapo na kikɛ bɛta m ba Eliaza kutɔ m ba bela akɔsɔ nɛ a deŋ bubuni na so na kikɛ.

1 Kronikɛls 11:14

ndoŋ nna nɛ mo nɛ mbe benapo yili kudɔ na be nferinto ŋ kɔ Filistiebi na kena nɛ Enyɛnpe Ebɔrɛ shin nɛ b kɔ m pɔɔ Filistiebi na so nɛnɛ.

1 Kronikɛls 11:18

Nɛ benapo lempo asa na ŋana n yɔ Filistiebi na be keeyi to n ya jɔ ketirbu nɛ k wɔ Bɛtlɛhɛm be kabunagboŋ na ase na be nchu m bar Deevid nɛ e kini amo be kenu nseŋ chulgi amo n wurge kasawule fanɛ sarga n sa Enyɛnpe Ebɔrɛ,

Nshɛ 109:5

Kulubi nɛ baa ta a ka ma kelela be kukɔ, nsaa ta yurkishi a tal ma kasha to.

Nshɛ 119:109

Jemanɛ kikɛ mee ta ma ŋkpa nna a pɛl, ama m maaŋ teŋ fo mbraana bre so kikɛ.

Nshɛ 25:3

Esa kama nɛ mbe tama deŋ fo so maaŋ ji anishinyɔr kikɛ. Ama bekama nɛ b kɔ kebɔrkɔnshi bre beeŋ ji anishinyɔr.

Nshɛ 69:4

Basa nɛ b kishi ma kenyanyaŋɛso shibi a chɔ ma kumu so be emin. Ebɔrɛ, bedoŋ lubi nɛ baa fin ma nɛ b jija na shi alegaiso. Baa tintiŋ ma nna nɛ ŋ ka kusɔ nɛ m maŋ yuri be kukɔ.

Nshɛ 94:21

Loŋ be basa e naa kre basa lela ŋkre lubi nsaa kaŋɛ fanɛ basa nɛ b maŋ wora n jija e daga luwu na.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Jɛremaya 26:15

Ama men baa nyi fanɛ, nɛ men mɔ ma menyi nɛ basa nɛ b wɔ kadegboŋ ere to kikɛ beeŋ tɔr ntaŋ ŋkpal men ka mɔ esa nɛ e maŋ wora shɛŋ so. Ŋkpal manɛ so, Enyɛnpe Ebɔrɛ na e shuŋi ma fanɛ m ba kpele menyi kusoe.”

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Filipaiebi 2:30

E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Demujipoana 12:3

Ma alɛ ka wu fanɛ menyi maa ba nɛ men ba chɛ to so nɛ n ta ma ŋkpa ŋ kpa kelera nseŋ dii kaba ndoŋ n ya kɔ Ammɔn be basa na nɛ Enyɛnpe Ebɔrɛ na shin nɛ ŋ kɔ m pɔɔ bumo so. Nɛ manɛ so nɛ menyee ba nɛ men ba kɔ ma?”

Demujipoana 9:17

Men nyiŋi kananɛ n tuto kɔ n sa menyi. E ta mbe kumu nna ŋ kpa kelera m mɔlga menyi ashi Midianebi kutɔ.

1 Samuɛl 11:13

Ama le nɛ Sɔɔl bre daŋ kaŋɛ: “B maaŋ mɔ esa kama kabre ŋkpal manɛ so le be kachɛ ere nɛ Enyɛnpe Ebɔrɛ ta m mɔlga Israɛl be basa.”

1 Samuɛl 14:45

Ama le nɛ basa na daŋ kaŋɛ Sɔɔl: “Jonatan nɛ e kɔ kena m pɔɔ so n sa Israɛl be efuli ere e daga luwu a? Loŋ maaŋ wora kikɛ, ŋkpal manɛ so, an teŋ nase kɔnɔ Enyɛnpe Ebɔrɛ nɛ e la anyi be shɛdajipo na be anishito fanɛ Jonatan be kemin gba maaŋ tia, ŋkpal manɛ so, Ebɔrɛ e chɛ mo to nɛ e wora kusɔ nɛ e wora kabre ere.” Amoso basa na e daŋ mɔlga Jonatan nɛ e maŋ luri luwu to.

1 Samuɛl 19:6

Ndoŋ nna nɛ Sɔɔl nu kusɔ nɛ Jonatan kaŋɛ na nseŋ nase kɔnɔ fanɛ ŋkpal Enyɛnpe Ebɔrɛ na ka la mbe shɛdajipo so, e maaŋ mɔ Deevid.

1 Samuɛl 20:32

Nɛ Jonatan bishi mo tuto le: “Manɛ nɛ Deevid wora nɛ fee sha kemɔ mo?”

1 Samuɛl 22:14

Ndoŋ nna nɛ Ahimɛlɛk malɛ kaŋɛ le: “Fo benimuana ere be ekama maŋ wɔtɔ a ji kashenteŋ fanɛ Deevid. E la fo sha nna nseŋ naa la fo benapo nɛ baa kuŋ fo na be enimu nseŋ naa kɔ bunyaŋ gba ashi fo laŋ to ebi kikɛ kutɔ.

1 Samuɛl 28:21

Ndoŋ nna nɛ kache na firgi n taga mo to n wu fanɛ kufu pɛ mo alegaiso, nɛ e kaŋɛ mo le: “Yiramu, n ta ma kumu nna ŋ kpa kelera pɔɛŋ nseŋ wora kusɔ nɛ fo kaŋɛ ma fanɛ n wora ere na.