1 Samuɛl 19:23 - EBƆRƐ BE KAWƆL

²³ Ndoŋ nna, nɛ Ebɔrɛ be kiyoyu gbelge mo so nɛ mo alɛ gba fara a wu abɔrɛsheŋ a malga hale n ya fo Nayɔf.

1 Samuɛl 19:23 ပူးပေါင်းရင်းမြစ်များ

Aŋasa 16:9

Dimɛdi e wɔ afɛso, ama Enyɛnpe Ebɔrɛ e wɔ aworbi.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Nɔmbɛs 23:5

Nɛ Enyɛnpe Ebɔrɛ na ta kubɔya n sa Balaam fanɛ e ya sa Ewura Balak.

Nɔmbɛs 24:2

nseŋ wu Israɛlebi na ka wora bumo be nyi to n chena eyiri yiri be ntuŋ so. Ndoŋ nna nɛ Enyɛnpe Ebɔrɛ be kiyoyu gbelge mo so,

Matiu 7:22

Kachɛ na kaŋ fo, basa damta beeŋ kaŋɛ ma le: ‘Enyɛnpe, Enyɛnpe, an daŋ bɔla fo ketre so nna n wu abɔrɛsheŋ ŋ kaŋɛ. An bɔla fo ketre so n ju mbuibi lubi basa to nseŋ wora emamachisheŋ damta!’

Baru lela nɛ Jɔn kute na 11:51

Kesheŋ ere e ka malga ere daa maŋ shi mo gbagba to, ama ŋkpal e ka daa la bɔrɛmatapo nimuso amo be kamoafɛ na so so nɛ e daa wu a kaŋɛ fanɛ Yesu e daa shin nɛ e wu n sa efuli na so ebi na.

1 Kɔrintebi 13:2

Hale nɛ m baa kɔ abɔrɛsheŋ be kewuŋkaŋɛ be kakɛ nsaa tiŋ a pin ewulosheŋ kikɛ nɛ kanyiasheŋ kikɛ to nsaa kɔ yirda kikɛ ma to a tiŋ a tia abee ŋkaa maa kɔ kasha bre, m maŋ la shɛŋ.

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.

1 Samuɛl 10:12

Nɛ kanyɛn ko nɛ e wɔ ndoŋ bishi le: “Kanaŋ mo bre to nɛ anebiana ere shi?” Nɛ k ki sara nɛ baa kaŋɛ le na: “Sɔɔl gba ki anebiana na be eko nna a?”

1 Samuɛl 10:6

Enyɛnpe Ebɔrɛ be kiyoyu be eleŋ beeŋ gbelge fo so epul to na to nɛ fo alɛ gba e tu bumo a wu asheŋ a kaŋɛ nsaa wora asheŋ nɛ fo daa maa wora.

1 Samuɛl 18:10

Kumo be ŋklade nɛ Ebɔrɛ sa ekpa nɛ kiyoyu lubi ko ba luri Sɔɔl to eleŋso nɛ e fara a wora fanɛ ebompo ashi mbe laŋ to. Nɛ Deevid ba kaa laŋ jaŋjilaŋ a sa mo fanɛ kananɛ e chɛr a wora karechɛ kama na. Loŋ be saŋɛ na so nɛ Sɔɔl kɔ kekpa to.

1 Samuɛl 19:18

Deevid daŋ shile n yɔ Samuɛl kutɔ nna ashi Raama n ya kaŋɛ mo kusɔ nɛ Sɔɔl wora mo. Ndoŋ nna nɛ mo nɛ Samuɛl yɔ Nayɔf n ya ka wɔ ndoŋ.

1 Samuɛl 19:20

nseŋ shuŋi basa fanɛ b ya pɛ Deevid m ba. Basa na ka yɔ Raama nɛ b ya wu anebiana be katuŋ ko nɛ bumo nɛ Samuɛl nɛ e la bumo kikɛ be enimu na bee wu abɔrɛsheŋ a malga. Ndoŋ nna nɛ Ebɔrɛ be kiyoyu na ba luri Sɔɔl be basa na gba to nɛ bumo alɛ gba fara a wu asheŋ a malga.

1 Samuɛl 19:22

Ndoŋ nna nɛ mo gbagba koso a yɔ Raama. E ka ya fo ketirbu gboŋgboŋi ko ase ashi Seku nseŋ bishi Samuɛl nɛ Deevid be asheŋ, nɛ b kaŋɛ mo fanɛ b wɔ Nayɔf nɛ k mata Raama na.