1 Samuɛl 19:20 - EBƆRƐ BE KAWƆL

²⁰ nseŋ shuŋi basa fanɛ b ya pɛ Deevid m ba. Basa na ka yɔ Raama nɛ b ya wu anebiana be katuŋ ko nɛ bumo nɛ Samuɛl nɛ e la bumo kikɛ be enimu na bee wu abɔrɛsheŋ a malga. Ndoŋ nna nɛ Ebɔrɛ be kiyoyu na ba luri Sɔɔl be basa na gba to nɛ bumo alɛ gba fara a wu asheŋ a malga.

1 Samuɛl 19:20 ပူးပေါင်းရင်းမြစ်များ

Jowɛl 2:28

Nɛ Ebɔrɛ naŋ kaŋɛ le: “Ade kikɛ be kaman, meeŋ shin nɛ ma kiyoyu e ba ekama so nɛ men be mbinyɛnsobi nɛ mbichesobi e fara a bɔ ma kubɔya na nɛ men be benyɛnnimubiana e ba ku edare nɛ men be mbrantiɛbi e baa ku bɔrɛdare.

Nɔmbɛs 24:2

nseŋ wu Israɛlebi na ka wora bumo be nyi to n chena eyiri yiri be ntuŋ so. Ndoŋ nna nɛ Enyɛnpe Ebɔrɛ be kiyoyu gbelge mo so,

Baru lela nɛ Jɔn kute na 7:32

Ndoŋ nna nɛ asheŋ nɛ basa na bee kuli a kaŋɛ Yesu be asheŋ na tɔr Efarisiana na be asoe to. Nɛ bɔrɛmatapowuraana nɛ Efarisiana na shuŋi bɔrɛlambu to be bekumpo fanɛ b ya pɛ Yesu m ba.

1 Kɔrintebi 14:3

Ama esa kama nɛ e bee wu abɔrɛsheŋ na to a kaŋɛ bre bee malga nna a sa basa a chɛ bumo to nɛ b baa yɔ anishito nsaa leŋ bumo to a wushi bumo kagbene.

1 Samuɛl 10:10

Sɔɔl nɛ mbe kayɛrbi ka fo Gibia, nɛ anebiana be katuŋ ko ba tu bumo epul to na to nɛ Ebɔrɛ be kiyoyu gbelge mo so eleŋso nɛ mo alɛ gba fara a wu asheŋ a kaŋɛ.

1 Samuɛl 19:11

Ndoŋ nna nɛ Sɔɔl shuŋi mbe basa fanɛ b ya kulti Deevid be laŋ n wɔtɔ, kare kaŋ chɛ kachipurso nɛ b mɔ mo. Nɛ Deevid be eche Mikaal kpele mo kusoe ŋ kaŋɛ le: “Fo baa maŋ shile kanyɛ ere, echefo baaŋ mɔ fo.”

1 Samuɛl 19:14

Sɔɔl be basa na ka ba nɛ b ba pɛ Deevid, nɛ Mikaal kaŋɛ bumo fanɛ Deevid bee lɔ nna.

1 Samuɛl 19:19

Ndoŋ nna nɛ Sɔɔl nu fanɛ Deevid wɔ Nayɔf nɛ k mata Raama na,

1 Samuɛl 19:21

Sɔɔl ka nu loŋ na nɛ e naŋ shuŋi mbɔ damta ko ndoŋ nɛ bumo alɛ gba fara a wu abɔrɛsheŋ a malga. Nɛ e naŋ shuŋi mbɔ be katuŋ sasopo, nɛ bumo alɛ gba ya wora loŋ koŋwule na.