1 Samuɛl 19:17 - EBƆRƐ BE KAWƆL

¹⁷ Ndoŋ nna nɛ Sɔɔl tre Mikaal m bishi mo le: “Manɛ nna nɛ fo fule ma nɛ ma doŋ nya ekpa n shile?” Nɛ Mikaal kaŋɛ le: “E yɛ, nɛ m baa maŋ chɛ mo to nɛ e shile, e beeŋ mɔ ma.”

1 Samuɛl 19:17 ပူးပေါင်းရင်းမြစ်များ

2 Samuɛl 17:20

Ndoŋ nna nɛ Absalɔm be benapo ba laŋ na to m ba bishi kache na le: “Nnɛ nɛ Ahimaaz nɛ Jonatan wɔ?” Nɛ kache na kaŋɛ bumo le: “B dii Lɔr na n choŋ.” Ndoŋ nna nɛ basa na fin bumo ŋ gben nseŋ bɛta n yɔ Jerusalɛm.

2 Samuɛl 2:22

Nɛ Abna naŋ laŋɛ ŋ kaŋɛ mo le: “Fo baa maŋ bɛta ma so, k beeŋ ki tintiŋ nna n sa ma fanɛ m mɔ fo! Nɛ loŋ malɛ wora, m maaŋ naŋ tiŋ ŋ keni fo da Jɔab be anishito.”

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Galeeshaebi 4:16

To, naniere bre ŋ ki men doŋ nna ŋkpal ŋ ka ji menyi kashenteŋ so ŋko?

1 Samuɛl 19:14

Sɔɔl be basa na ka ba nɛ b ba pɛ Deevid, nɛ Mikaal kaŋɛ bumo fanɛ Deevid bee lɔ nna.

1 Samuɛl 19:16

Basa na ka luri Deevid be ebu to, kedibi nɛ b shɛl fanɛ kegbir na nɛ b ya wu mbe gedo so nɛ kaboe be afuibi deŋ kumo be kumu so.

1 Samuɛl 22:17

Kumo be kaman nɛ Sɔɔl ponte ŋ kaŋɛ bekumpo na le: “Men mɔ Enyɛnpe Ebɔrɛ be bɔrɛmatapoana na kikɛ, ŋkpal manɛ so, bumo nɛ Deevid e wora kɔnɔ ŋ kre asheŋ. B nyi Deevid ka daa shile nɛ b kini kekaŋɛ ma.” Ama bekumpo na be ekama maŋ teŋi keshilbi gba ŋ ŋini Enyɛnpe Ebɔrɛ be bɔrɛmatapoana na.

1 Samuɛl 28:12

Kache na ka wu Samuɛl be kebuni nɛ e boŋ to ga ŋ kaŋɛ Sɔɔl le: “Manɛ nna nɛ fee fule ma? Ewura Sɔɔl e la fo!”