1 Samuɛl 19:10 - EBƆRƐ BE KAWƆL

¹⁰ Ndoŋ nna nɛ Sɔɔl kpa kekpa na nɛ e da Deevid m mata egbal nɛ Deevid gbar, nɛ kekpa na ya da egbal na m muni. Kumo be kanyɛso na kikɛ nɛ Deevid shile n lar Sɔɔl be laŋ to nɛ shɛŋ maŋ wora mo.

1 Samuɛl 19:10 ပူးပေါင်းရင်းမြစ်များ

Nshɛ 124:7

An nya anyi be amu n shile fanɛ kusɔbɔya ka gbaŋ ekpampo be kejigbelɛ n lɛ nseŋ nya n shile na nna.

Nshɛ 18:17

E mɔlga ma ashi bedoŋ lempoana na be enɔ to, nɛ bumo nɛ b kishi ma nsaa chɔ ma eleŋ na kutɔ.

Nshɛ 34:19

Basa lela bee kaa nya etɔrɔ damta nna. Ama Enyɛnpe Ebɔrɛ na beeŋ mɔlga bumo ashi etɔrɔ na kikɛ to.

Nshɛ 37:32

Belubiworapo bre bee ŋana nna a fin basa lela nɛ b mɔ.

Aŋasa 1:16

Ŋkpal manɛ so, saŋkikɛ, baa jujo nna nɛ b wora alubi. Kemɔ esa maŋ la shɛŋ bumo kutɔ.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Matiu 10:23

Kade kama nɛ men yɔ nɛ b ya kaa tɔrɔ menyi, men lar ndoŋ n shile n yɔ kepɔtɛ to. Kashenteŋto, ma e kaŋɛ menyi na fanɛ men maaŋ loge men be ashuŋ kikɛ ashi Israɛl be efuli ere so be kade kama to pɔɛŋ nɛ ma, Nyiŋgbasa Pibinyɛn e ba.

Luuk 4:30

Ama Yesu kilgi m bɔla jimaŋ na to n lar n yɔ ŋ ka bumo.

Baru lela nɛ Jɔn kute na 10:39

Ndoŋ nna nɛ b naŋ wora ania a sha kepɛ mo nɛ e gelge n lar bumo to n choŋ.

Hibruwebi 11:34

B daa la bepɔshipo nna, ama b daŋ ki belempo. B daa kɔ eleŋ ashi kena to n daŋ tiŋ m pɔɔ befɔ be esoji so nɛ b shile n choŋ.

1 Samuɛl 18:10

Kumo be ŋklade nɛ Ebɔrɛ sa ekpa nɛ kiyoyu lubi ko ba luri Sɔɔl to eleŋso nɛ e fara a wora fanɛ ebompo ashi mbe laŋ to. Nɛ Deevid ba kaa laŋ jaŋjilaŋ a sa mo fanɛ kananɛ e chɛr a wora karechɛ kama na. Loŋ be saŋɛ na so nɛ Sɔɔl kɔ kekpa to.

1 Samuɛl 18:11

Ndoŋ nna nɛ Sɔɔl fɛ fanɛ e beeŋ kpa kekpa na n da Deevid m mata egbal nseŋ kpa mo kumo ale anyɔ kikɛ nɛ Deevid gbar amo kikɛ.

1 Samuɛl 19:6

Ndoŋ nna nɛ Sɔɔl nu kusɔ nɛ Jonatan kaŋɛ na nseŋ nase kɔnɔ fanɛ ŋkpal Enyɛnpe Ebɔrɛ na ka la mbe shɛdajipo so, e maaŋ mɔ Deevid.

1 Samuɛl 20:33

Ndoŋ nna nɛ Sɔɔl ta mbe kekpa ŋ kpa Jonatan nɛ e mɔ mo. Ndoŋ nɛ Jonatan pin fanɛ mo tuto daa fin Deevid nna kenishipereso nɛ e mɔ.