1 Samuɛl 18:8 - EBƆRƐ BE KAWƆL

⁸ Nɛ bumo be kashɛ na shin nɛ Sɔɔl nya agbo ga n fɛ le: “B kaa bee kaŋɛ fanɛ Deevid mɔ basa ŋgboŋ kudu nɛ ma ere mɔ kagboŋ nawule ere, kusɔ nɛ k ka e la keta mo ŋ ki ewura.”

1 Samuɛl 18:8 ပူးပေါင်းရင်းမြစ်များ

Jɛnesis 37:11

Ndoŋ nna nɛ mo daana na fara a kɔ mo kukɔrkɔ ŋko a besa mo eyur ashi bumo be ŋgbene to, ama mo tuto bre daa maŋ teŋ kesheŋ na so.

Jɛnesis 37:8

Ndoŋ nna nɛ mo daana na bishi mo: “Ama fee fɛ nna fanɛ feeŋ ba ji anyi so kuwura ŋko feeŋ ba kaa kɔ eleŋ anyi so a?” Nɛ b naŋ kpal edare na nɛ mbe mmalga so ŋ kishi mo ga n ti so.

1 Bewura 2:22

Nɛ ewura Sɔlɔmɔn malɛ kaŋɛ mo le: “Manɛ nna nɛ fee sha ŋ ka ta Abishag n sa mo? Kumo ere kusɔ nɛ fee ŋini e la fanɛ n daŋ shin nɛ e ji kuwura ere gba k walɛ ŋkpal manɛ so e la n da nna nɛ bɔrɛmatapo Abiata nɛ Jɔab kikɛ yil mbe kaman!”

Ɛsta 3:5

Heman ka pin fanɛ Mɔdikaya kini kejɔŋɛ mo ase ŋko m bunyaŋ mo, nɛ e nya agbo ga.

Aŋasa 13:10

Kamoowu bee bar esa tɔrɔ nna. Enyiashempo bre bee fin kasotoji nna.

Aŋasa 27:4

Esa nɛ e bee nya agbo manaŋ manaŋ lubi a chɔ, esa nɛ e bee kɔ kukɔrkɔ lubi.

Kaŋinichiŋgeliŋ 4:4

Kumo be kaman nɛ n naaŋ pɛshɛ m pin kusɔ nɛ k ba nɛ basa bee pere kenishi a shuŋ ga nɛ b dii dama. Amo kikɛ to nɛ n wu fanɛ an ka bee besa abar eyur so nɛ k du loŋ. Ama amo kikɛ la fuloŋ nna. K du fanɛ fo ka ju a bɛ afu so nna.

Nɔmbɛs 11:1

Israɛlebi na fara nna a fubel a bile asheŋ ŋkpal awurfoŋ nɛ b daa ji so. Enyɛnpe Ebɔrɛ ka nu bumo be nfubel na nɛ e nya agbo nseŋ shin nɛ edɛ ba bumo to m ba chɔɔ bumo be keeyi na to be ekarso.

Nɔmbɛs 22:34

Nɛ Balaam kaŋɛ le: “N wora kulubi. N daa maŋ nyi fanɛ fo yil ekpa na to nna a kuŋ ma akpa, ama nɛ fo wu fanɛ k maŋ daga ŋ ka yɔ ndoŋ bre, meeŋ bɛta n yɔ epe.”

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

1 Samuɛl 13:14

Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”

1 Samuɛl 15:28

Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.

1 Samuɛl 18:9

Amoso baŋ yili loŋ be kachɛ na a yɔ nɛ Sɔɔl fara a kɔ Deevid kukɔrkɔ nsaa maŋ naŋ yirda mo nɛnɛ kikɛ.

1 Samuɛl 19:1

Sɔɔl daŋ kaŋɛ mo pibinyɛn Jonatan nɛ mbe benimuana fanɛ e bee kre kemɔ Deevid nna, ama Jonatan daa sha Deevid be asheŋ ga.

1 Samuɛl 20:31

Fo maŋ nyi fanɛ nɛ Deevid baa wɔ ŋkpa to, fo maaŋ ji efuli ere be kuwura kikɛ a? Men ya pɛ Deevid m bar ma nfe, ŋkpal manɛ so, e daga luwu!”