1 Samuɛl 18:6 - EBƆRƐ BE KAWƆL

⁶ Deevid ka mɔ Goliɛf, nɛ benapo na bɛta a ba epe na, nɛ beche nɛ b shi Israɛl be nde karso na kikɛ lar a ba nɛ b ba chɔrɔ ewura Sɔɔl. B daa boŋ kagbenefuli be nshɛ nna nsaa laŋ echakachaka nɛ ejaŋjilaŋ a foŋ nlopi a cha.

1 Samuɛl 18:6 ပူးပေါင်းရင်းမြစ်များ

2 Samuɛl 1:20

Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

2 Samuɛl 6:5

Deevid nɛ Israɛlebi na kikɛ daŋ ta bumo be eleŋ kikɛ nna a boŋ nshɛ a cha a maŋkura Enyɛnpe Ebɔrɛ na. B daa laŋ ejaŋjilaŋ nɛ egoji nɛ ŋkure nɛ echakachaka nɛ ayawa nna.

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 68:11

Fo e sa mbra na, nɛ beche damta cha awɔr, ŋ kaŋɛ kusɔ nɛ k wora.

Nshɛ 68:25

Beshɛbompo e juŋkpar nɛ bumo nɛ baa laŋ alaŋsɔ bɛso nɛ besuŋgurbi bee laŋ echakachaka a chaŋ bumo.

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Aizaaya 30:32

Enyɛnpe Ebɔrɛ na be basa beeŋ baa laŋ ŋkure nɛ ejaŋjilaŋ a wɔtɔ mo jemanɛ nɛ e bee kɔ nsaa laŋɛ a kɔ Asiriya be basa na.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

1 Samuɛl 18:5

Deevid daa ji kɔŋkɔŋ kusɔ kama nɛ Sɔɔl daa shuŋi mo fanɛ e ya wora to nna. Nɛ Sɔɔl ta mo ŋ ki mbe benapo be enimu gboŋ ko. Kumo be loŋ daŋ wora ekama nɛ Sɔɔl be benapo be benimu na kikɛ ebel ga.