1 Samuɛl 18:4 - EBƆRƐ BE KAWƆL

⁴ Nɛ Jonatan lara mbe piŋi nɛ e buu na n sa Deevid. E daŋ ta mbe kenyɛnkale gba nɛ mbe tokobi nɛ mbe keta nɛ amo be atanyembi nɛ mbe kreso n ti so nna n sa mo.

1 Samuɛl 18:4 ပူးပေါင်းရင်းမြစ်များ

Jɛnesis 41:42

Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

2 Samuɛl 1:22

Jonatan be keta daa maa to a paŋ. Nɛ Sɔɔl malɛ be tokobi daa maa wu kuwɔr. Bedoŋ lempo nɛ k daa mɔ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Ezikɛl 23:15

Benyɛn nɛ b daŋ wora n deŋi egbalana na so na daŋ mɛa to nna ŋ kre ekreso kashɛr to nseŋ mɛa eneemugboŋ malɛ bumo be amu so, nɛ kumo be loŋ shin nɛ mbe nfɛra laŋɛ Babilɔn be efuli so be benapo nimuso nɛ baa dii egbaŋɛturko na so.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

1 Samuɛl 17:38

Ndoŋ nna nɛ Sɔɔl ta mbe kenyɛnkale n sa Deevid fanɛ e buu. E daŋ ta mbe danyaŋ be kekpaŋwuro gba nna n sa mo fanɛ e buu.

1 Samuɛl 18:5

Deevid daa ji kɔŋkɔŋ kusɔ kama nɛ Sɔɔl daa shuŋi mo fanɛ e ya wora to nna. Nɛ Sɔɔl ta mo ŋ ki mbe benapo be enimu gboŋ ko. Kumo be loŋ daŋ wora ekama nɛ Sɔɔl be benapo be benimu na kikɛ ebel ga.