1 Samuɛl 18:25 - EBƆRƐ BE KAWƆL

²⁵ nɛ Sɔɔl kaŋɛ bumo fanɛ b ya kaŋɛ Deevid le: “Keshaji nɛ ewura baa fin fo kutɔ e la fanɛ fo mɔ Filistiebi na be basa kalfa nseŋ ba kaŋɛ ma fanɛ fo wora loŋ. Kumo be loŋ e naŋ ŋini fanɛ an kɔ an doŋana na n tal to.” Kananɛ Sɔɔl bre daŋ kre nna na, saŋɛ na so Filistiebi na beeŋ nya Deevid m mɔ.

1 Samuɛl 18:25 ပူးပေါင်းရင်းမြစ်များ

Jɛnesis 29:18

Amoso Jeekɔb be kagbene daŋ pɛ Reechel nna nɛ e kaŋɛ Leeban le: “Meeŋ shuŋ nfɛnshunu n sa fo nɛ fo ta fo pibiche kekarkarso Reechel n sa ma.”

Jɛnesis 34:12

Men ku kebia na be keshaji be kukɔ nɛ kakɛ nɛ meeŋ sa kanaŋkamaso nɛ menyee sha. Kusɔ kama nɛ men yili ma, meeŋ wora. Menyi ere e ta kebichebi na n sa ma nɛ n ta mo ŋ ki ma eche bre de.”

2 Samuɛl 3:14

Kede be kaman nɛ Deevid shuŋi mbɔ Ishboshɛf kutɔ fanɛ b ya kaŋɛ mo le: “Men shin nɛ ma eche Mikaal e laŋɛ m ba ŋ kutɔ, ŋkpal manɛ so, Filistiebi be basa kalfa nɛ m mɔ pɔɛŋ nseŋ nya mo n ta.”

Joshuwa 5:3

Ndoŋ nna nɛ Joshuwa bɛ kusɔ nɛ Enyɛnpe Ebɔrɛ kaŋɛ mo na so nseŋ ku Israɛlebi na be atutu ashi kakpa nɛ b nase kumo be ketre Gibiaf Haaralɔf.

1 Samuɛl 14:24

Akoŋ daŋ mɔ Israɛlebi be benapo na nna nɛ b bɛlɛ ŋkpal Sɔɔl ka daŋ bɔ ntaŋ ŋ kaŋɛ le so: “Kɔnɔsho e baa wɔ ekama nɛ e beeŋ ji ajibi pɔɛŋ nɛ n wora ma doŋana n tal to so.” Ŋkpal loŋ so esa kama daa maŋ ji shɛŋ kumo be kamɔnchɛ.

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 18:17

Kachako nɛ Sɔɔl kaŋɛ Deevid le: “Nɛ feeŋ nya kenyɛn a kɔ Enyɛnpe Ebɔrɛ be ana a sa ma bre, kumo ere ma alɛ beeŋ ta m pibiche nimuso Mɛrab n sa fo.” Sɔɔl be nfɛra e daa la fanɛ nɛ e wora loŋ, Filistiebi na beeŋ nya Deevid m mɔ, saŋɛ na so k maaŋ ba fanɛ mo e mɔ mo.

1 Samuɛl 18:24

Sɔɔl be benimuana na ka kaŋɛ Sɔɔl kusɔ nɛ Deevid kaŋɛ na,

1 Samuɛl 19:1

Sɔɔl daŋ kaŋɛ mo pibinyɛn Jonatan nɛ mbe benimuana fanɛ e bee kre kemɔ Deevid nna, ama Jonatan daa sha Deevid be asheŋ ga.