1 Samuɛl 18:17 - EBƆRƐ BE KAWƆL

¹⁷ Kachako nɛ Sɔɔl kaŋɛ Deevid le: “Nɛ feeŋ nya kenyɛn a kɔ Enyɛnpe Ebɔrɛ be ana a sa ma bre, kumo ere ma alɛ beeŋ ta m pibiche nimuso Mɛrab n sa fo.” Sɔɔl be nfɛra e daa la fanɛ nɛ e wora loŋ, Filistiebi na beeŋ nya Deevid m mɔ, saŋɛ na so k maaŋ ba fanɛ mo e mɔ mo.

1 Samuɛl 18:17 ပူးပေါင်းရင်းမြစ်များ

2 Samuɛl 11:15

Le nɛ e daŋ sibɛ kumo: “Shin nɛ Yuriya e juŋkpar kakpa nɛ kena na bee kɔ ga na nseŋ shin nɛ benapo nɛ b wɔ mo kutɔ na e ba tu a lar kaman nɛ b nya mo m mɔ.”

2 Samuɛl 12:9

Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

2 Samuɛl 6:16

B ka ta ŋkre be deka na a luri kade to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

Nshɛ 12:2

Ekama bee fule mo barkasa nna. Mmalga belbelso nɛ b kɔ a fule abar.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Aŋasa 26:24

Esa lubi be kamalga belbelso so, b maa pin fanɛ e kɔ nfɛra lubi.

Aŋasa 26:25

Kanaŋ kamaso nɛ esa lubi be kamalga wɔ ebel, sa maŋ kaŋ yirda mo.

Aŋasa 26:26

Kanaŋ kama nɛ e wora, mbe nfɛra lubi na beeŋ lar efuli nɛ ekama e pin kumo.

Nɔmbɛs 21:14

Amoso nɛ nwɔl nɛ a bee malga Enyɛnpe Ebɔrɛ be kena be asheŋ na bee kaŋɛ le na: “Wahɛb be kade nɛ k wɔ Sufa be kebonfu ko to na nɛ kumo be ataŋɛ, nɛ Aanɔn be Lɔr na,

Nɔmbɛs 32:20

Ndoŋ nna nɛ Mosis kaŋɛ le: “Nɛ menyeeŋ wora kusɔ nɛ men kaŋɛ ere bre, kumo ere men wora shiriya Enyɛnpe Ebɔrɛ na be anishito nfe n yɔ kena to.

Nɔmbɛs 32:27

Ama anyi alɛ kikɛ wora shiriya nɛ an bɛ kusɔ nɛ Enyɛnpe Ebɔrɛ kaŋɛ na so nseŋ dii Jɔɔdan be lɔr na be kaba ndoŋ n ya kɔ fanɛ kananɛ fo kaŋɛ na.”

Nɔmbɛs 32:29

“Nɛ Gad nɛ Ruben be benyɛn tu menyi n dii Jɔɔdan be lɔr na be kaba ndoŋ nɛ men ya kɔ n sɔ kasawule na, kumo ere men ta Giliad be kasawule na n sa bumo fanɛ bumo be kapetɛ.

Ditɛronɔmi 17:7

Eshɛdajipoana na e naaŋ juŋkpar ŋ kpa bumo ajembu nɛ basa nɛ b ka na malɛ e chɛ to ŋ kpa bumo ajembu m mɔ. Kananɛ menyeeŋ wora n lara kulubi na ashi menyi to nna na.

1 Samuɛl 14:49

Sɔɔl be mbinyɛnsobi e daa la Jonatan nɛ Ishvi nɛ Malkishuwa. Mo pibiche nimuso be ketre e daa la Mɛrab nɛ ekekarso malɛ be ketre daa la Mikaal.

1 Samuɛl 17:25

Ndoŋ nna nɛ b kaŋɛ abar le: “Men keni, kananɛ kanyɛn ere bee ba kaa to anyi emaŋ nsaa tege anyi. Esa kama nɛ e tiŋ m mɔ mo, ewura na beeŋ sa mo kakɛ gboŋ. E beeŋ ta mo pibiche n sa mo nɛ e kil nɛ mbe kanaŋ malɛ kikɛ gba maaŋ naŋ ka lampo kikɛ ashi Israɛl be efuli so.”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 17:47

Ekama malɛ nfe beeŋ pin fanɛ mannɛ etokobi ŋko akpa nɛ Enyɛnpe Ebɔrɛ na bee ta a kɔ a mɔlga mbe basa. E la ekɔmpɔɔsopo kena kikɛ to nna. Mo alɛ beeŋ chɛ anyi to nɛ an kɔ m pɔɔ menyi so.”

1 Samuɛl 18:21

Ndoŋ nna nɛ e fɛ le: “Meeŋ kaŋɛ Deevid nɛ e ta Mikaal ŋ ki mbe eche, ama mee sha nna nɛ n wora loŋ saŋɛ na so Filistiebi na beeŋ mɔ mo.” Kede e ti so kela nyɔsopo Sɔɔl ka kaŋɛ fanɛ Deevid beeŋ ki mo sha.

1 Samuɛl 18:25

nɛ Sɔɔl kaŋɛ bumo fanɛ b ya kaŋɛ Deevid le: “Keshaji nɛ ewura baa fin fo kutɔ e la fanɛ fo mɔ Filistiebi na be basa kalfa nseŋ ba kaŋɛ ma fanɛ fo wora loŋ. Kumo be loŋ e naŋ ŋini fanɛ an kɔ an doŋana na n tal to.” Kananɛ Sɔɔl bre daŋ kre nna na, saŋɛ na so Filistiebi na beeŋ nya Deevid m mɔ.

1 Samuɛl 18:27

nɛ Deevid bre nɛ mbe benapo teŋ ya mɔ Filistiebi be basa alfanyɔ nseŋ ba kaŋɛ ewura na. Saŋɛ na so e beeŋ nya ewura na pibiche na n ta. Ŋkpal loŋ so nɛ Sɔɔl ta mo pibiche Mikaal n sa Deevid.

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.

1 Samuɛl 30:26

Deevid ka bɛta n yɔ Ziklag nɛ e ta asɔ nɛ b ya muu kena to na be ako n ya sa mo teriana nɛ Juda be bejuŋkparpoana na nseŋ kaŋɛ bumo le be kubɔya ere: “Enyɛnpe Ebɔrɛ mo doŋana na kutɔ nɛ n suge asɔ ere nɛ m ba sa menyi fanɛ kakɛ na.”