1 Samuɛl 18:12 - EBƆRƐ BE KAWƆL

¹² Kumo be kaman nɛ Sɔɔl fara a ŋana Deevid ŋkpal Enyɛnpe Ebɔrɛ ka daa chɛ Deevid to nseŋ kplaŋ mo ere Sɔɔl so so.

1 Samuɛl 18:12 ပူးပေါင်းရင်းမြစ်များ

2 Samuɛl 5:10

Ŋkpal Enyɛnpetale Ebɔrɛ ka daa wɔ mo kutɔ so, e daa nya eleŋ nna a ti so saŋkama.

2 Kronikɛls 17:3

Enyɛnpe Ebɔrɛ daŋ nɛfa ewura Jehoshafat nna ŋkpal e ka daŋ bɛ kebaawɔtɔ lela nɛ mo tuto daa kɔ nseŋ kini kebunyaŋ Baal be kegbir na so.

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Hoziya 9:12

Hale nɛ b kurge mbia gba, meeŋ shin nɛ mbia na kikɛ e wu. Nɛ m baŋ maŋ wora loŋ malɛ, meeŋ shin nɛ tɔrɔ damta e tu to bumo.”

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Maak 6:20

Hɛrɔd daa nyi Jɔn ka daa la esa lela nɛ esa cheembi, amoso, e daa de mo so nna nɛnɛ. E daa sha kebaanu mbe mmalga, ama saŋkama nɛ e nu amo, a bee jija mbe kagbene to nna.

Luuk 8:37

Ndoŋ nna nɛ Gɛrasa be efuli na so ebi kikɛ ba kule Yesu fanɛ e lar bumo to ŋkpal kananɛ kufu daŋ pɛ bumo ga na so. Nɛ Yesu luri ekuloŋ na to a shin nɛ e yɔ

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”

Ashuŋ Shunso 7:9

Bejuŋkparpo ere daŋ kurge bumo sipo Josɛf yurkishi nna n ta mo n fa n shin nɛ e ki kenya ashi Ijipt be efuli so. Ama Ebɔrɛ daa maŋ yige mo n to.

Demujipoana 1:19

Enyɛnpe Ebɔrɛ na e daŋ chɛ Judaebi na to nɛ b tiŋ ŋ kɔ n suge efuli nɛ a daa wɔ kebeesawule so na. Ama b daŋ maŋ tiŋ n ju basa nɛ b daa tase aplasawule so na bre, ŋkpal manɛ so, b daa kɔ abɛlso be egbaŋɛturko nna.

Demujipoana 16:20

Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 16:4

Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”

1 Samuɛl 18:15

Sɔɔl ka wu fanɛ Deevid bee kɔ a pɔɔ so saŋkama na, nɛ e naa ŋana mo ga a ti so.

1 Samuɛl 18:20

Sɔɔl daa kɔ ebiche ko gba nɛ baa tre mo Mikaal nɛ e daa sha Deevid ga. Sɔɔl ka nu loŋ, nɛ mbe kagbene fuli mo.

1 Samuɛl 18:29

nɛ e naa ŋana Deevid alegaiso nseŋ ta Deevid ŋ ki mo doŋ hale n ya fo mbe luwu be jemanɛ.

1 Samuɛl 20:13

Nɛ fanɛ e bee sha ketɔrɔ fo malɛ nna, meeŋ kaŋɛ fo nseŋ chɛ fo to nɛ fo shile ŋ ŋana mo so. Nɛ ma alɛ kaa maŋ wora loŋ, kumo ere Enyɛnpe Ebɔrɛ e gberge ma kusoe. Ma kabɔrɛkule e la fanɛ Enyɛnpe Ebɔrɛ e chɛ fo to fanɛ kananɛ e chɛ n tuto to na,

1 Samuɛl 22:13

Nɛ Sɔɔl bishi mo le: “Manɛ nna nɛ fo nɛ Deevid bee fin ma kulubi? Manɛ nna nɛ fo sa mo ajibi nɛ tokobi nseŋ naŋ malga Ebɔrɛ kutɔ gba n sa mo? Naniere bre e nyaŋɛ to n wɔtɔ ma nsaa fin ma nɛ e mɔ.”

1 Samuɛl 28:15

Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”

1 Samuɛl 3:19

Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.