1 Samuɛl 18:1 - EBƆRƐ BE KAWƆL

¹ Deevid nɛ Sɔɔl ka malga n loge na, k maŋ chɛr ko nɛ Deevid nɛ Jonatan ki beteri kpakpaso. Jonatan daa sha Deevid be asheŋ ga fanɛ kananɛ e bee sha mo gbagba be kumu.

1 Samuɛl 18:1 ပူးပေါင်းရင်းမြစ်များ

Jɛnesis 44:30

Amoso nɛ m baŋ bɛta n yɔ n tuto, fo kenya na kutɔ ŋkaa maŋ keta kebia na n yɔ

2 Samuɛl 1:26

N sipo Jonatan, fo shin nɛ kagbenejija gboŋgboŋi tɔr ma so; ŋkpal fo kasha nɛ fo kɔ n sa ma so; Fo daa sha ma a chɔ kananɛ eche bee sha mo kul.

1 Kronikɛls 12:17

Ndoŋ nna nɛ Deevid daŋ lar n ya tu bumo nseŋ kaŋɛ bumo le: “Nɛ men la beteri nɛ baa ba nɛ b ba chɛ ma to ŋ kɔ nna bre, kumo ere mee wora menyi ansaŋ nɛ keba. Ama nɛ fanɛ men ba nna nɛ men ba debɔr ma ŋ ŋini ma doŋana saŋɛ nɛ m maŋ wora menyi kulubi kikɛ ere, an nananyɛnana be Ebɔrɛ na beeŋ gberge menyi kusoe.”

Nshɛ 86:11

O Enyɛnpe Ebɔrɛ, ŋini ma kusɔ nɛ fee sha fanɛ n wora. Meeŋ baa nu a sa fo kashenteŋ na. Ŋini ma kananɛ meeŋ ta ma kagbene kikɛ a shuŋ fo nsaa bunyaŋ fo ketre na.

Aŋasa 18:24

Beteri damta beeŋ tiŋ n jija esa be kebaawɔtɔ; ama eteri ko chɔ eniopibi.

Ditɛronɔmi 13:6

Kede be kaman, fo niopibi ko ŋko fo pibi ko ŋko eche nɛ fee sha ŋko fo teri kpakpaso ko beeŋ tiŋ m ba fo kutɔ ashiri to nɛ e ba leŋ fo to n wɔtɔ agbir nɛ fo ŋko fo nananyɛnana maŋ naŋ shuŋ ŋ ku so to.

Kɔlɔsiebi 2:2

saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.

Demujipoana 20:11

Ndoŋ nna nɛ benyɛn nɛ b wɔ Israɛl to na kikɛ wora kɔnɔkoŋwule n shuli so fanɛ Gibiya be basa na daga kasogberge.

1 Samuɛl 14:45

Ama le nɛ basa na daŋ kaŋɛ Sɔɔl: “Jonatan nɛ e kɔ kena m pɔɔ so n sa Israɛl be efuli ere e daga luwu a? Loŋ maaŋ wora kikɛ, ŋkpal manɛ so, an teŋ nase kɔnɔ Enyɛnpe Ebɔrɛ nɛ e la anyi be shɛdajipo na be anishito fanɛ Jonatan be kemin gba maaŋ tia, ŋkpal manɛ so, Ebɔrɛ e chɛ mo to nɛ e wora kusɔ nɛ e wora kabre ere.” Amoso basa na e daŋ mɔlga Jonatan nɛ e maŋ luri luwu to.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.

1 Samuɛl 19:1

Sɔɔl daŋ kaŋɛ mo pibinyɛn Jonatan nɛ mbe benimuana fanɛ e bee kre kemɔ Deevid nna, ama Jonatan daa sha Deevid be asheŋ ga.

1 Samuɛl 19:2

Ndoŋ nna nɛ Jonatan kpele Deevid kusoe ŋ kaŋɛ mo le: “N tuto bee fin fo nɛ e mɔ, amoso baa da so. Echefo chipurso ya ŋana kupuŋ to nsaa wɔ ndoŋ.

1 Samuɛl 20:17

Ŋkpal Jonatan ka daa sha Deevid fanɛ kananɛ e bee sha mo gbagba be kumu so e daŋ shin nɛ Deevid nase kɔnɔ kela nyɔsopo nna n sa mo fanɛ e beeŋ baa la mo teri kpakpaso.

1 Samuɛl 20:8

Jande, wora ma kechɛto nseŋ bɛ kɔnɔ nɛ ma nɛ fo yili Enyɛnpe Ebɔrɛ be ketre so n nase na so. Nɛ n wora kulubi nna, kumo ere fo gbagba mɔ ma bɔ fo ka ta ma n sa fo tuto nɛ e mɔ.”

1 Samuɛl 22:8

Ama menyi kikɛ maŋ yil ma kaman. Menyi alɛ be ekama malɛ maŋ kaŋɛ ma fanɛ m pibinyɛn Jonatan nɛ Deevid wora kɔnɔkoŋwule be ŋkre nna. Ma asheŋ maŋ tir menyi, amoso esa kama maŋ kaŋɛ ma fanɛ Jonatan e naa leŋ Deevid to fanɛ e mɔ ma!”

1 Samuɛl 23:18

Ndoŋ nna nɛ bumo benyɔ kikɛ naŋ nase keteri kpakpaso be nnɔ ashi Ebɔrɛ be anishito n sa abar. Nɛ Deevid bre daŋ shir a wɔ Hɔrɛsh nɛ Jonatan malɛ yɔ epe.