1 Samuɛl 17:51 - EBƆRƐ BE KAWƆL

⁵¹ Deevid daŋ shile nna n ya pe Goliɛf be tokobi ashi kumo be efar to ŋ ku Goliɛf be kumu. Filistiebi na ka wu fanɛ bumo kikɛ to be elempo na wu, nɛ b lara keya n shile.

1 Samuɛl 17:51 ပူးပေါင်းရင်းမြစ်များ

2 Samuɛl 23:21

Mo alɛ daŋ naŋ mɔ Ijipt be kanyɛn gboŋgboŋi ko nɛ e daŋ ta kekpa a kɔ na. Kaprɛ nɛ Bɛnaya bre daŋ keta a kɔ ama e tiŋ n sɔ kanyɛn na be kekpa na mbe enɔ to ŋ kilgi n ta kumo m mɔ mo.

2 Samuɛl 4:7

B ka luri Ishboshɛf be ebu to, nɛ b pe kasaŋɛ n da mbe epun m mɔ nseŋ ku mbe kumu n ta kumo m bɔla Jɔɔdan be ketaŋɛ na to n nite kanyɛso le hale nɛ kare ya chɛ.

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Hibruwebi 11:34

B daa la bepɔshipo nna, ama b daŋ ki belempo. B daa kɔ eleŋ ashi kena to n daŋ tiŋ m pɔɔ befɔ be esoji so nɛ b shile n choŋ.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

1 Samuɛl 17:50

Ketababu nɛ kejembu nɛ Deevid daŋ ta m pɔɔ Goliɛf so. E daa maŋ ta tokobi.

1 Samuɛl 21:10

Kumo be kamɔnchɛ na nɛ Deevid fara a shile a ŋana Sɔɔl so hale n yɔ ewura Akish kutɔ ashi Gaaf nɛ k wɔ Filisti be efuli so na.

1 Samuɛl 21:9

Nɛ Ahimɛlɛk malɛ kaŋɛ le: “Ŋ kɔ Goliɛf nɛ e la Filisti be esa nɛ fo mɔ ashi Ela be ketaŋɛ to na be tokobi ŋ kutɔ. B ta wajɛ m mɛa kumo so nɛ k wɔ kale lela nɛ baa tre Ɛfɔd na be kaman. Nɛ fee sha fo ta kumo ŋkpal manɛ so kumo nawule e la kekɔsɔ nfe.” Nɛ Deevid kaŋɛ: “Tokobi kama maŋ naa wɔtɔ n fo kumo so. Ta kumo n sa ma.”

1 Samuɛl 31:9

Ndoŋ nna nɛ Filistiebi na ku Sɔɔl be kumu ŋ gbaŋ mbe kenyɛnkale nseŋ shuŋi mbɔ fanɛ b nite Filisti be efuli so be agbir be alambu to nɛ kaplɛkama nɛ basa wɔ ŋ bɔ baru lela ere.