1 Samuɛl 17:46 - EBƆRƐ BE KAWƆL

⁴⁶ Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.

1 Samuɛl 17:46 ပူးပေါင်းရင်းမြစ်များ

Jɛnesis 40:19

Ta a ba nchɛ asa to Fɛɛro beeŋ lara fo kabuti ere to n shin nɛ b chɛ fo efɔl n shiga kedibi so m mɔ nɛ mbuibi e ba ji fo kebuni.”

2 Samuɛl 18:28

Ndoŋ nna nɛ Ahimaaz ponte ŋ kaŋɛ le: “An kɔ m pɔɔ so! An kɔ m pɔɔ so! Kapandi e ba la Enyɛnpe fo Ebɔrɛ nɛ e shin nɛ fo kɔ m pɔɔ basa nɛ b nyaŋɛto a kɔ fo na peya, Yiramu.” Nseŋ ya jɔŋɛ mbe anishito bunyaŋ so.

2 Samuɛl 21:10

Ndoŋ nna nɛ Sɔɔl mo jipo Rizpa buu kagbenejijaso be asɔbuuso nseŋ wora kekpata ashi kefalta nɛ bubuni na dese na so n chena ndoŋ saŋɛ nɛ b fara a buri akoŋboyu na n ya fo dɔchubɔrɛ be saŋɛ so. E daa ju mbuibi kapaso nna nsaa ju kupuŋ to be asɔbɔya malɛ kanyɛso ashi bubuni na to.

1 Bewura 8:43

kumo ere fo yili esoso n nu bumo be kekule nseŋ wora kusɔ nɛ baa sha n sa bumo, saŋɛ na so durnya be basa kikɛ beeŋ pin fo nsaa nu a sa fo fanɛ kananɛ fo basa Israɛlebi bee nu a sa fo na. Loŋ nɛ baaŋ pin fanɛ bɔrɛlambu nɛ m pɔr ere la kakpa nɛ k daga b ka bee bunyaŋ fo nna.

1 Bewura 8:60

Saŋɛ na so durnya kikɛ beeŋ pin fanɛ fo Enyɛnpe na nawule e la Ebɔrɛ. Ebɔrɛ kikɛ maŋ naa wɔtɔ.

2 Bewura 19:19

Ama fo Enyɛnpe e la anyi be Ebɔrɛ! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so ekama nɛ e wɔ durnya to be efuli kama so beeŋ pin fanɛ fo nawule e la Ebɔrɛ.”

2 Bewura 5:15

Kede be kaman nɛ Neeman nɛ basa nɛ mo nɛ bumo daŋ yɔ ndoŋ na kikɛ bɛta m ba anebi Elaisha kutɔ nɛ Neeman kaŋɛ le: “Naniere nɛ m pin fanɛ Ebɔrɛ kikɛ maŋ naa wɔtɔ ama Israɛl be Ebɔrɛ ere nawule. Amoso jande, sɔ ma kakɛ ere.”

Nshɛ 31:8

Fo maŋ yige ma n wɔtɔ ma doŋana be enɔ to. Ama fo sɔ ma n yige, nɛ n nya ma kumu a ji.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 37:20

Ama fo ere la Enyɛnpe, anyi be Ebɔrɛ nna! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so, ekama nɛ e wɔ durnya to be efuli kama so, beeŋ pin fanɛ fo nawule e la Ebɔrɛ.”

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Aizaaya 56:9

Enyɛnpe Ebɔrɛ na e kaŋɛ efuli pɔtɛana so ebi fanɛ b ba fanɛ kupuŋ to be asɔbɔya lubi m ba mur mbe basa.

Jɛremaya 19:7

Juda be efuli so nɛ Jerusalɛm to be basa beeŋ tiŋ a kɔ ŋkre gboŋ, ama meeŋ shin nɛ e to jiga ashi ketaŋɛ ere to. Meeŋ shin nɛ bumo doŋana e ba kɔ bumo kena m pɔɔ bumo so nseŋ mɔ bumo n lɛ nɛ mbuibi nɛ kupuŋ to be asɔbɔya e ji bumo.

Jɛremaya 34:20

Meeŋ shin nɛ men doŋana e mɔ bumo nɛ bumo be kebuniana e ki kusɔ jiso n sa mbuibi nɛ kupuŋ to be asɔbɔya.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Matiu 24:28

Kaplɛkama nɛ kusɔ wuso dese, ndoŋ nɛ ejita bee chala a mel.

Ditɛronɔmi 28:26

Men kaŋ wu a dese, mbuibi nɛ kupuŋ to be asɔbɔya e naaŋ ji menyi nɛ esa kikɛ maaŋ baa wɔtɔ nɛ e ju bumo.

Ditɛronɔmi 7:2

Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

Ditɛronɔmi 7:23

Enyɛnpe menyi be Ebɔrɛ na beeŋ sa menyi yuku men doŋana so nseŋ shin nɛ keyeŋiyeŋi e tɔr bumo so n ya fo fanɛ b ka beeŋ mur.

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 4:24

Ŋkpal le be kusɔ nɛ k wora ere so bomin kikɛ beeŋ pin eleŋ nɛ an Nyɛnpe Ebɔrɛ ere kɔ nɛ kumo be loŋ e shin nɛ menyi alɛ e baa bunyaŋ mo saŋkama.”

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:44

Kumo be kaman nɛ e ponte ŋ kaŋɛ Deevid le: “Ba nfe, nɛ m mɔ fo, n ta fo eyur ere n sa mbuibi nɛ kupuŋ to be asɔbɔya nɛ b ji!”